ନୂଆଦିଲ୍ଲୀ : ଜାତୀୟ ରାଜଧାନୀ ଦିଲ୍ଲୀ ସମେତ ଉତ୍ତର ଭାରତର ବିଭିନ୍ନ ସ୍ଥାନରେ ମଙ୍ଗଳବାର ପ୍ରବଳ ବର୍ଷା ହୋଇଛି। ବର୍ଷା ଯୋଗୁଁ ଟ୍ରାଫିକ ସମସ୍ୟା ସୃଷ୍ଟି ହେବା ସହ ରେଳ ଓ ବିମାନ ସେବା ବିଳମ୍ବିତ ହୋଇଛି। ରିପୋର୍ଟ ଅନୁଯାୟୀ ଦିଲ୍ଲୀ ଯାଉଥିବା ୧୫ଟି ଟ୍ରେନ ବିଳମ୍ବିତ ହୋଇଛି। ସେହିପରି ଆଇଜିଆଇରେ ବିମାନ ଉଡାଣ ଓ ଅବତରଣ ବାଧାପ୍ରାପ୍ତ ହୋଇଥିଲା। ସୋମବାର ମଧ୍ୟ ଦିଲ୍ଲୀରେ ବର୍ଷା ହୋଇଥିଲା। ନଇଡା ଓ ଗୁଡଗାଓଁରେ ମଧ୍ୟ ବର୍ଷା ଯୋଗୁଁ ଟ୍ରାଫିକ ସମସ୍ୟା ଦେଖାଯାଇଥିଲା।
