ନୂଆଦିଲ୍ଲୀ : ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲିଙ୍କ ପ୍ରଶଂସକଙ୍କ ପାଇଁ ଖୁସି ଖବର। ଆସନ୍ତା ବୁଧବାରରୁ ଦିଲ୍ଲୀର ମ୍ୟାଡାମ ତୁସାଦ ମ୍ୟୁଜିୟମରେ ବିରାଟ କୋହଲିଙ୍କ ପ୍ରତିମୂର୍ତ୍ତି ସ୍ଥାନପାଇବାକୁ ଯାଉଛି। ପୂର୍ବରୁ ଏହି ସଂଗ୍ରହାଳୟରେ କପିଲ ଦେବ , ସଚିନ ତେନ୍ଦୁଲକର , ଆର୍ଜେଣ୍ଟିନାର ଫୁଟବଲ ଖେଳାଳୀ ଲିୟୋଲେନ ମେସି ଏବଂ ମିଲଖା ସିଂଙ୍କ ଭଳି କ୍ରିଡା ଜଗତର ପ୍ରତିଭାବାନ ଖେଳାଳୀମାନଙ୍କର ପ୍ରତିମୂର୍ତ୍ତି ସ୍ଥାନ ପାଇଆସୁଛି। ଖବର ଅନୁସାରେ କିଛିମାସ ତଳେ ମ୍ୟାଡାମ ତୁସାଦ ମ୍ୟୁଜିୟମର ଲଣ୍ଡନରୁ ଆସିଥିବା ଏକ ଦଳ ବିରାଟ କୋହଲିଙ୍କର ପ୍ରତିମା ନିର୍ମାଣ କରିବାପାଇଁ ତାଙ୍କର ମାପ ନେଇଥିଲେ। ବିରାଟ କହିଥିଲେ ଏହା ମୋ ପାଇଁ ଗର୍ବର କଥା ଯେ ମ୍ୟାଡାମ ତୁସାଦ ମ୍ୟୁଜିୟମର ମୁଁ ସଦସ୍ୟ ହେବାକୁ ଯାଉଛି। ଏଥିପାଇଁ ମୁଁ ସଂଗ୍ରହାଳୟର କର୍ମକର୍ତ୍ତାଙ୍କୁ ଧନ୍ୟବାଦ ଦେଉଛି।
