ଚୀନ୍‌କୁ ଆମେରିକା ଚିପ୍‌ ଭୟ – ଜାତୀୟ ସୁରକ୍ଷା ପ୍ରତି ବିପଦ ଦର୍ଶାଇ ନିଷେଧ କଲା

ନୂଆଦିଲ୍ଲୀ- ଆମେରିକା ଚିପ୍‌କୁ ଚୀନ୍‌ର ଭୟ । ଆମେରିକାରେ ତିଆରି କରାଯାଉଥିହବା ମାଇକ୍ରୋନ୍‌ ଚିପ୍‌କୁ ଚୀନ୍‌ରେ ବ୍ୟବହାର କରିବା ପାଇଁ ନିଷେଧ କରାଯାଇଛି । ଏହା ଚୀନ୍‌ର ଜାତୀୟ ସୁରକ୍ଷା ପ୍ରତି ବିପଦ ବୋଲି ଦର୍ଶାଯାଇଛି ।

ଆମେରିକୀୟ ଚିପ୍‌ ପ୍ରସ୍ତୁତକାରୀ ମାଇକ୍ରୋନ୍‌ର ସମସ୍ତ ଉତ୍ପାଦକୁ ବ୍ୟବହାର ନ କରିବା ପାଇଁ ଚୀନ୍‌ ସରକାର ନିର୍ଦ୍ଦେଶ ଜାରି କରିଛନ୍ତି । ଚୀନ୍‌ର ଗୁପ୍ତ ତଥ୍ୟ ସହ ଅନେକ ସୂଚନା ପ୍ରତି ଏହା ବିପଦ ସୃଷ୍ଟିକାରୀ ବୋଲି ଦର୍ଶାଯାଇଛି ।

ମାତ୍ର ଏହା ଆମେରିକା ପ୍ରତି ସିଧାସଳଖ ବ୍ୟବସାୟିକ ଶତ୍ରୁତା ଯୋଗୁଁ କରାଯାଇଥିବା ଅର୍ଥନୈତିକ ବିଶେଷଜ୍ଞମାନେ ମତ ଦେଇଛନ୍ତି । ମାଇକ୍ରୋନ ଆମେରିକାର ସର୍ବ ବୃହତ ଚିପ୍‌ ପ୍ରସ୍ତୁତକାରୀ । ଚୀନ୍‌ରେ ତିଆରି କରାଯାଉଥିବା ଅନେକ ବୈଦ୍ୟୁତିକ ଉପକରଣରେ ଏହାକୁ ବ୍ୟବହାର କରାଯାଇଥାଏ । ଚୀନ୍ ଏହାର ବ୍ୟବହାରକୁ ନିଷେଧ କରିବା ପରେ ମାଇକ୍ରୋନ୍‌ର ସେୟାର ୫.୫ ପ୍ରତିଶତ ହ୍ରାସ ପାଇଥିଲା । କିଛିଦିନ ତଳେ ଚୀନ୍‌ରେ ଥିବା ବିଭିନ୍ନ ଆମେରିକୀୟ ବ୍ୟବସାୟିକ ସଂସ୍ଥା ଉପରେ ଚଢଉ କରାଯାଇଥିଲା ।

Comments are closed.