କନିଷ୍କ କାଟାରିଆ ଆଇଏଏସ୍‍ ଟପ୍ପର

ନୂଆଦିଲ୍ଲୀ : କେନ୍ଦ୍ରୀୟ ଲୋକସେବା ଆୟୋଗ (ୟୁପିଏସ୍‍ସି) ପରିଚାଳିତ ସିଭିଲ ସର୍ଭିସ (ଭାରତୀୟ ପ୍ରଶାସନିକ ସେବା) ୨୦୧୮ ପରୀକ୍ଷା ଫଳ ଶୁକ୍ରବାର ପ୍ରକାଶ ପାଇଛି। ଏହି ପରୀକ୍ଷାରେ ୭୫୯ ଜଣ କୃତକାର୍ଯ୍ୟ ହୋଇଛନ୍ତି। ଏଥିରେ କନିଷ୍କ କାଟାରିଆ ଟପ୍ପର ହୋଇଛନ୍ତି। ତାଙ୍କ ପଛକୁ ଅକ୍ଷତ ଜୈନ, ଜୁନେଦ ଅହମଦ, ଶ୍ରେୟଂସ କୁମାଟ, ସୃଷ୍ଟି ଜୟନ୍ତ ଦେଶମୁଖ, ସୁଭମ ଗୁପ୍ତା, କ୍ରାନ୍ତି ଭରୁଣରେଡ୍ଡୀ, ବୈଶାଳୀ ସିଂହ, ଗୁଞ୍ଜନ ଦ୍ୱିବେଦୀ ଏବଂ ତନ୍ମୟ ବଶିଷ୍ଟ ଶର୍ମା ଶୀର୍ଷ ୧୦ ଜଣଙ୍କ ମଧ୍ୟରେ ଅଛନ୍ତି।
ପ୍ରକାଶ ଯେ ଆଇଏଏସ୍‍, ଆଇଏଫଏସ୍‍, ଆଇପିଏସ୍‍ ଓ ଅନ୍ୟାନ୍ୟ ଗ୍ରୁପ୍‍- ଏ ଏବଂ ବି କେନ୍ଦ୍ର ସରକାରୀ ସେବା ପାଇଁ ସିଭିଲ ସର୍ଭିସ ମୁଖ୍ୟ ଲିଖିତ ପରୀକ୍ଷା ଗତ ବର୍ଷ ସେପ୍ଟେମ୍ବରରୁ ଅକ୍ଟୋବର ମାସ ମଧ୍ୟରେ ହୋଇଥିଲା। ଚଳିତ ବର୍ଷ ଫେବୃଆରୀରୁ ମାର୍ଚ୍ଚ ମଧ୍ୟରେ ମୌଖିକ ସାକ୍ଷାତକାର ପରୀକ୍ଷା ହୋଇଥିଲା। ଶୁକ୍ରବାର ବିଭାଗୀୟ ୱେବସାଇଟ୍‍ ରେ ପରୀକ୍ଷା ଫଳ ପ୍ରକାଶ ପାଇଛି।

https://upsc.gov.in/sites/default/files/FR-CSME-2018-Engl1.pdf