ଲକ୍ଷ୍ମୌ – ଇ-ରିକ୍ସା ବ୍ୟାଟେରୀ ଫାଟି ଜଣେ ମହିଳାଙ୍କ ସହ ଦୁଇ ଜଣ ଶିଶୁଙ୍କର ମୃତ୍ୟୁ ହୋଇଛି । ଏହି ଇ-ରିକ୍ସାଟି ତାଙ୍କ ସ୍ୱାମୀଙ୍କର ବୋଲି ଜଣା ପଡିଛି । ଉତ୍ତରପ୍ରଦେଶର ନିଓ୍ୱାଜପୁରଓ୍ୱା ଅଞ୍ଚଳରେ ଘଟିଛି । ଇ-ରିକ୍ସା ଚାଳକ ତାଙ୍କ ଘରେ ଅନେକ ବ୍ୟାଟେରୀକୁ ଚାର୍ଜରେ ବସାଇଥିଲେ । ଏହି ସମୟରେ ସେହି କୋଠରୀରେ ଚାଳକଙ୍କ ସ୍ତ୍ରୀ , ତିନି ପିଲା ଏବଂ ତାଙ୍କ ଛୋଟ ଭାଣିଜୀ ଶୋଇଥିଲେ । ଅଧିକ ଚାର୍ଜିଂ ଯୋଗୁଁ ଗୋଟିଏ ବ୍ୟାଟେରୀ ସକାଳ ୫ ବେଳେ ଫାଟି ଯାଇଥିଲା ।
ସେହି ସମୟରେ ଇ-ରିକ୍ସା ଚାଳକ ଘର ବାହାରେ ଶୌଚ ପାଇଁ ଯାଇଥିଲେ । ଏଥିରେ ମହିଳାଙ୍କ ସହ ୪ ଶିଶୁ ଗୁରୁତର ହୋଇଥିଲେ । ତାଙ୍କୁ ଚିକିତ୍ସା ପାଇଁ ତୁରନ୍ତ ନିକଟସ୍ଥ ଡାକ୍ତରଖାନା ନିଆଯାଇଥିଲା । ସେଠାରେ ମହିଳାଙ୍କ ସହ ଇ ରିକ୍ସାଚାଳକଙ୍କ ଛୋଟ ପୁଅ ଏବଂ ଛୋଟ ଭାଣିଜୀର ମୃତ୍ୟୁ ହୋଇଥିବା ବେଳେ ଆଉ ଦୁଇ ଛୋଟପିଲାଙ୍କର ଚିକିତ୍ସା ଚାଲିଛି । ପୁଲିସ ଏହି ଘଟଣାର ତଦନ୍ତ କରୁଥିବା ବେଳେ ବ୍ୟାଟେରୀ ଓଭରଚାର୍ଜିଂ ଯୋଗୁଁ ବିସ୍ଫୋରଣ ଘଟିଥିବା ଜଣା ପଡିଛି ।
Comments are closed.