ଲକ୍ଷ୍ନୌ : ଦୁର୍ଗାପୂଜା ଭସାଣ ବେଳେ ଉତ୍ତରପ୍ରଦେଶ ବହରାଇଚ ସହରରେ ହିଂସାକାଣ୍ଡ ଘଟିଛି। ହିଂସାକାଣ୍ଡରେ ଜଣଙ୍କର ମୃତ୍ୟୁ ହୋଇଥିବାବେଳେ ଅନେକ ଆହତ ହୋଇଛନ୍ତି। ସହରର କେତେକ ସ୍ଥାନରେ ଦୋକାନ ବଜାର, ଘର ଓ ଗାଡି ମୋଟର ପୋଡାଜଳା ହୋଇଛି। ହିଂସାକୁ ନିୟନ୍ତ୍ରଣ କରିବା ଲାଗି ପୁଲିସ ହିଂସାକାରୀଙ୍କ ଉପରେ ଲାଠିମାଡ କରିବା ସହିତ ପ୍ଲାଗମାର୍ଚ୍ଚ କରିଛି। ହିଂସା ସମ୍ପର୍କିତ ଗୁଜବ ପ୍ରଚାରକୁ ରୋକିବା ଲାଗି ସହରରେ ଇଣ୍ଟରନେଟ୍ ସେବାକୁ ବନ୍ଦ କରିଦିଆଯାଇଛି। ଏହା ସହିତ ବହରାଇଚ ସହରର ସମସ୍ତ ସୀମାକୁ ବନ୍ଦ କରାଯାଇଛି। ବହରାଇଚ ଆରକ୍ଷୀ ଅଧୀକ୍ଷକ (ଏସ୍ପି) ବ୍ରିନ୍ଦା ଶୁକ୍ଳାଙ୍କ କହିବା ଅନୁଯାୟୀ ହିଂସାରେ ଜଡିତ ୩୦ଜଣଙ୍କୁ ଅଟକ ରଖାଯାଇଛି। ତେବେ ଦୁର୍ଗାପୂଜା କମିଟି ପକ୍ଷରୁ ହିଂସାରେ ଜଡିତ ବ୍ୟକ୍ତିଙ୍କୁ ଗିରଫ କରିବା ଲାଗି ଦାବି କରାଯାଇଛି। ରବିବାର ଦୁର୍ଗାପୂଜା ଭସାଣ ବେଳେ ଡିଜେ ମ୍ୟୁଜିକ୍କୁ ନେଇ ସଂଖ୍ୟାଲଘୁ ଗୋଷ୍ଠୀ ଆପତ୍ତି ଉଠାଇବା ପୂର୍ବକ ଗଣ୍ଡଗୋଳ ଆରମ୍ଭ କରିଥିଲେ। ଏହି ସମୟରେ ଗୁଳିମାଡ ହେବାରୁ ଗୋପାଳ ମିଶ୍ର (୨୨) ଯୁବକର ମୃତ୍ୟୁ ହୋଇଥିଲା। ଏହା ସହ ଏଥିରେ ୧୦ଜଣ ଆହତ ହୋଇଛନ୍ତି। ଗୁଳିମାଡ କରିଥିବା ଅଭିଯୁକ୍ତ ସଲମାନକୁ ପୁଲିସ ଅଟକ ରଖିଛି।
Popular Categories
Previous article
Next article