ରେଙ୍ଗାଲିକ୍ୟାମ୍ପ: ଅତାବିରା ଦେଇ ଯାଇଥିବା ଜାତୀୟ ରାଜପଥ (୫୩)ରେ ସଡକ ଦୁର୍ଘଟଣା ନିତିଦିନିଆ ଭାବରେ ଘଟି ଚାଲିବା ସହ ଜୀବନ ଚାଲି ଯାଉଛି। ତ୍ରୁଟିପୂର୍ଣ୍ଣ ରାସ୍ତା ନିର୍ମାଣ, କୌଣସି ଛକରେ ଟ୍ରାଫିକ ବ୍ୟବସ୍ଥା ନ ଥିବା, ଯାନ ବାହନ ଗୁଡ଼ିକର ଦ୍ରୁତ ଗତି ନିୟନ୍ତ୍ରଣ ଯାଞ୍ଚ ଆଦି ପାଇଁ କୌଣସି ପଦକ୍ଷେପ ନିଆଯାଉ ନ ଥିବାରୁ ଦୁର୍ଘଟଣା ଗୋଟିଏ ପରେ ଗୋଟିଏ ଘଟି ଚାଲିଛି। ଅତାବିରା ବସଷ୍ଟାଣ୍ଡ ଛକରେ ଏକ ପିକଅପ ଧକ୍କାରେ ଜଣେ ବାଇକ ଚାଳକଙ୍କ ମୃତ୍ୟୁ ଘଟିଛି। ଖବର ପାଇ ଅତାବିରା ପୁଲିସ ଘଟଣାସ୍ଥଳରେ ପହଞ୍ଚି ମୃତ ବ୍ୟକ୍ତିଙ୍କୁ ଉଦ୍ଧାର କରି ଅତାବିରା ହସ୍ପିଟାଲକୁ ନେଇଥିଲେ। ସେଠାରେ ଡାକ୍ତର ମଧ୍ୟ ତାଙ୍କୁ ମୃତ ଘୋଷଣା କରିଥିଲେ। ଦୁର୍ଘଟଣାରେ ଅତାବିରା ଥାନା ଲସ୍ତଲା ଗ୍ରାମର ରାମଚନ୍ଦ୍ର ମେହେରଙ୍କ ମୃତ୍ୟୁ ଘଟିଛି ବୋଲି ଜଣାପଡିଛି।
ସୂଚନାଯୋଗ୍ୟ ଯେ ସେ କୌଣସି କାମରେ ଅତାବିରା ଆସି ବସଷ୍ଟାଣ୍ଡ ଛକ ଦେଇ ବାଇକରେ ଅତିକ୍ରମ କରୁଥିବା ବେଳେ ବରଗଡ ପଟରୁ ଆସୁଥିବା ମାଲ ବୋଝେଇ ପିକଅପ ଧକ୍କା ଦେଇଥିଲା। ଫଳରେ ବାଇକ ଚାଳକ ପିକଅପ ତଳେ ଚାପି ହୋଇ ଯାଇଥିଲେ। ଭ୍ୟାନ୍କୁ ଥାନାରେ ଅଟକ ରଖି ତଦନ୍ତ ଜାରି ରହିଛି ।
ଦେଖନ୍ତୁ ଭିଡିଓ; ୟୁକ୍ରେନର ୯/୧୧ ପରି ଆକ୍ରମଣ, ରୁଷରେ ଶିଶୁ ସମେତ ୬ ମୃତ
