ଚାନ୍ଦବାଲି: ବିବାହ ସମୟରେ ଦାବି ମୁତାବକ ଯୌତୁକ ଦେବା ପରେ ମଧ୍ୟ ଝିଅକୁ ଶାଶୁଘର ଲୋକେ ସବୁ ସମୟରେ ଅଧିକ ଯୌତୁକ ଆଣିବା ପାଇଁ ଦାବି କରୁଥିଲେ। ଶେଷରେ ଝିଅକୁ ଜୀବନରୁ ମାରିଦେଲେ ଶାଶୁଘର ଲୋକେ। ଏଭଳି ଏକ ଅଭିଯୋଗ ଆଣିଛନ୍ତି ଝିଅର ପରିବାର। ଏଭଳି ଏକ ଅଭାବନୀୟ ଘଟଣା ଘଟିଛି ଭଦ୍ରକ ଜିଲ୍ଲା ଚାନ୍ଦବାଲି ଥାନା ଅଧୀନ କୃଷ୍ଣପୁରରେ। ଅଭିଯୋଗ ଅନୁଯାୟୀ, ରାଜକନିକା ଥାନା ଅନ୍ତର୍ଗତ ଗିରିଆ ଗ୍ରାମର ସୁକାନ୍ତି ସାହୁଙ୍କ ଝିଅ ଅନୁସୟା (୨୫)ଚାନ୍ଦବାଲି ଥାନା ଅନ୍ତର୍ଗତ କୃଷ୍ଣପୁରର ଲକ୍ଷ୍ମୀଧର ବେହେରାଙ୍କ ବଡ଼ପୁଅ ବିଶ୍ୱରଂଜନ ସହ ବୈଦିକ ରୀତିରେ ଗତ ଜୁଲାଇ ମାସ ରେ ବିବାହ ଅନୁଷ୍ଠିତ ହୋଇଥିଲା। ସବୁ ସମୟରେ ବିଶ୍ୱରଂଜନ ଏବଂ ତାଙ୍କ ପରିବାର ଲୋକେ ନିଜ ବୋହୁ ଅନୁସୟାକୁ ଅଧିକ ଯୌତୁକ ଆଣିବା ପାଇଁ ଦାବୀ କରିବା ସହ ମାନସିକ ଏବଂ ଶାରୀରିକ ଯନ୍ତ୍ରଣା ଦେଉଥିଲେ। ଏହି ଘଟଣାକୁ ନେଇ ଅନୁସୟାଙ୍କ ବାପ ବୁଧଦେବ ନିଜ ସମୁଦୀ ଲକ୍ଷ୍ମୀଧରଙ୍କୁ ଭେଟି ଆଉ ଅଧିକ ଯୌତୁକ ଦେଇ ପାରିବେ ନାହିଁ ବୋଲି ନେହୁରା ହୋଇଥିଲେ। ଏହି ଘଟଣା ପରେ ଲକ୍ଷ୍ମୀଧରଙ୍କ ପରିବାର ଲୋକେ ଅନୁସୟାକୁ ମାରିଦେଇ ଅନୁସୟାଙ୍କ ବାପ ଘରକୁ ଖବର ଦେଇଥିଲେ ବୋଲି ସେ ଅଭିଯୋଗ କରିଛନ୍ତି । ଏ ନେଇ ଅନୁସୟାଙ୍କ ମାଆ ସୁକାନ୍ତି ସାହୁ ଚାନ୍ଦବାଲି ଥାନାରେ ଲିଖିତ ଅଭିଯୋଗ କରିଥିଲେ। ଥାନାଧିକାରୀ ଘଟଣାସ୍ଥଳରେ ପହଂଚି ମୃତଦେହକୁ ଜବତ କରିବା ସହ ଅଧିକ ତଦନ୍ତ ଚଳାଇଛନ୍ତି।
ଦେଖନ୍ତୁ ଭିଡିଓ; ୟୁକ୍ରେନର ୯/୧୧ ପରି ଆକ୍ରମଣ, ରୁଷରେ ଶିଶୁ ସମେତ ୬ ମୃତ
ରବିବାର କମିବ ବର୍ଷା କିନ୍ତୁ ଏହି ଜିଲାରେ ବର୍ଷିବ; ହେବ କୁହୁଡି, ୨୨ରୁ ବଢିବ ଶୀତ
