ଟିଟିଲାଗଡ : କଣ୍ଟାବାଞ୍ଜି ରାସ୍ତାର ତୁର୍ଲା ଗ୍ରାମରୁ ଖରିଆର ଭବାନୀପାଟଣା ରାସ୍ତାର ସେଁପୁର ଗ୍ରାମକୁ ସିହିନି ଗ୍ରାମ ଦେଇ ସଂଯୋଗ ରହିଛି । ତେବେ ସିହିନି ଗ୍ରାମ ଭିତର ଅଣଓସାରିଆ ରହିଥିବାରୁ ଅଧିଗ୍ରହଣ ସମସ୍ୟା ନେଇ ବିରୋଧ ଆଶଙ୍କାରେ ଗ୍ରାମକୁ ବାଦ ଦେଇ ସରକାରୀ ସ୍ତରରେ ଅନ୍ୟ ପଟ ରାସ୍ତା କାମ ହୋଇଛି । ତେବେ ଏନେଇ ଗ୍ରାମ ସଭାରେ ଗ୍ରାମର ଅନେକ ବ୍ୟକ୍ତି ଏକାଠି ହୋଇ ରାସ୍ତା ନିର୍ମାଣ ପାଇଁ ନିଜ ନିଜ ଘର ଭାଙ୍ଗିବାକୁ ସମ୍ମତି ଦେଇଥିଲେ । ରବିବାର ଜେସିବି ଗାଡି ସହାୟତାରେ ୪୦ପରିବାର ନିଜ ଘର, ପାଚେରୀ ଆଦି ଭାଙ୍ଗି ଉଚ୍ଚ ଆଦର୍ଶ ସ୍ଥାପନ କରିଥିବା ବୁଦ୍ଧିଜୀବୀ ମହଲରେ ଚର୍ଚ୍ଚା ସହ ଉଚ୍ଚ ପ୍ରଶଂସା କରାଯାଇଛି । ସ୍ଥାନୀୟ ବିଧାୟିକା ତଥା ରାଜ୍ୟ ମହିଳା ଓ ଶିଶୁ ବିକାଶ ଏବଂ ମିଶନ ଶକ୍ତି ମନ୍ତ୍ରୀ ଟୁକୁନୀ ସାହୁ ଗ୍ରାମବାସୀଙ୍କ ଉତ୍ସାହ ନେଇ ରାସ୍ତା ନିର୍ମାଣ ପାଇଁ ପ୍ରଥମ ଦଫାରେ ୧୮ ଲକ୍ଷ ଟଙ୍କା ମଞ୍ଜୁର କରିଥିବା ଜଣାପଡିଛି ।
Comments are closed.