ଜୟପୁର : ଟିନା ଡାବି ଦେଶ ବିଦେଶରେ ଏକ ଚର୍ଚ୍ଚିତ ନାମ । ୨୦୧୫ ୟୁପିଏସ୍ସି ଟପର ଟିନା ଇନଷ୍ଟାଗ୍ରାମରେ ନିଜର ଏକ ଫଟୋ ସେୟାର କରିଛନ୍ତି। ଯେଉଁଥିରେ ସେ ନିଜ ସ୍ୱାମୀଙ୍କ ସହିତ ଲୁଙ୍ଗି ଡ୍ୟାନ୍ସ କରୁଥିବା ଦେଖିବାକୁ ମିଳିଛି। ଏହି ଫଟୋକୁ ସାମାଜିକ ଗଣମାଧ୍ୟମରେ ହଜାର ହଜାର ସଂଖ୍ୟାରେ ପସନ୍ଦ(ଲାଇକ୍) କରାଯାଇଥିବା ବେଳେ ଅନେକ କମେଣ୍ଟ ମିଳିଛି।
ମାତ୍ର ୨୪ ବର୍ଷ ବୟସରେ ଟିନା ୨୦୧୫ରେ ୟୁପିଏସ୍ସି ଟପର ହୋଇଥିଲେ। ସେହି ବର୍ଷର ରନର ଅପ୍ କାଶ୍ମୀର ଯୁବକ ଅତହର ଆମୀର ଓଲ ରଫି ଖାନଙ୍କୁ ବିବାହ କରି ସେ ଚର୍ଚ୍ଚାକୁ ଆସିଥିଲେ।
ତେବେ ମସୁରୀସ୍ଥିତ ଲାଲବାହାଦୂର ଶାସ୍ତ୍ରୀ ଜାତୀୟ ପ୍ରଶାସନିକ ଏକାଡେମୀରେ ଦୁଇବର୍ଷର ତାଲିମ ସମୟରେ ଭଲ ପ୍ରଦର୍ଶନ ପାଇଁ ମଧ୍ୟ ସେ ରାଷ୍ଟ୍ରପତିଙ୍କ ସ୍ୱର୍ଣ୍ଣ ପଦକ ବିଜୟୀ ହୋଇଛନ୍ତି । ନିଜ ସହଯୋଗୀ ଓ ବନ୍ଧୁ ମାନଙ୍କ ସହ ମଜା କରିବା ସମୟରେ ସେ ଲୁଙ୍ଗି ଅବତାର ଧରିଛନ୍ତି।
