ଦେବଜିତ୍‌ ସାଇକିଆ ବିସିସିଆଇ ସଚିବ ନିଯୁକ୍ତ

ନୂଆଦିଲ୍ଲୀ: ପୂର୍ବତନ ୱିକେଟ୍ କିପର ବ୍ୟାଟ୍ସମ୍ୟାନ୍ ଦେବଜିତ୍ ସାଇକିଆ ଭାରତୀୟ କ୍ରିକେଟ୍ କଂଟ୍ରୋଲ ବୋର୍ଡ(ବିସିସିଆଇ)ର ନୂତନ ସଚିବ ଭାବେ ନିଯୁକ୍ତ ହୋଇଛନ୍ତି। ଆଇସିସିର ନବନିଯୁକ୍ତ ଅଧ୍ୟକ୍ଷ ଜୟ ଶାହଙ୍କ ସ୍ଥାନରେ ସାଇକିଆ ଏହି ପଦ ସମ୍ଭାଳିବେ। ଏହି ପଦ ପାଇଁ ସେ ଏକମାତ୍ର ପ୍ରାର୍ଥୀ ହୋଇଥିବାରୁ ସାଇକିଆ ବିସିସିଆଇ ସଚିବ ହେବା ନିଶ୍ଚିତ ବୋଲି କୁହାଯାଉଥିଲା। ସାଇକିଆଙ୍କୁ ସଚିବ ଭାବେ ନିଯୁକ୍ତ କରିବାର ନିଷ୍ପତ୍ତି ବିସିସିଆଇର ସ୍ୱତନ୍ତ୍ର ସାଧାରଣ ସଭା ସମୟରେ ନିଆଯାଇଛି। ଜୟ ଶାହ ଆଇସିସି ଅଧ୍ୟକ୍ଷ ହେବାପରେ ସାଇକିଆ କାମଚଳା ସଚିବ ଭାବରେ କାର୍ଯ୍ୟ କରୁଥିଲେ।