ଡେସ୍କ: ମହିଳା କ୍ରିକେଟରେ ଭାରତ ଓ ଆୟର୍ଲାଣ୍ଡ ମଧ୍ୟରେ ଦ୍ୱିତୀୟ ଦିନିକିଆ ଗୁଜରାଟର ରାଜକୋଟସ୍ଥିତ ସୌରାଷ୍ଟ୍ର କ୍ରିକେଟ ଆସୋସିଏସନ ଷ୍ଟାଡିୟମରେ ଚାଲିଛି। ଭାରତୀୟ ମହିଳା ଦଳ ବ୍ୟାଟିଂ ନିଷ୍ପତ୍ତି ନେଇ ନିର୍ଦ୍ଧାରିତ ୫୦ ଓଭରରେ ୫ ଓ୍ଵିକେଟ୍ ହରାଇ ୩୭୧ ରନ୍ ଟାର୍ଗେଟ୍ ଦେଇଛି। ଜେମିମା ରୋଡ୍ରିଗେଜ୍ ୯୧ ବଲରୁ ୧୦୨ ରନ୍ କରି ପ୍ରଥମ ଦିନିକିଆ ଶତକ ହାସଲ କରିଥିବା ବେଳେ ହାର୍ଲିନ୍ ଦେଓଲ୍ ୮୯ ରନ୍ କରିଥିଲେ। ବର୍ତ୍ତମାନ ସୁଦ୍ଧା ଆୟର୍ଲାଣ୍ଡ ୨୬ ଓଭରରେ ୨ ଓ୍ଵିକେଟ୍ ହରାଇ ୧୦୦ ରନ୍ କରିଛି।
ପୂର୍ବରୁ ପ୍ରଥମ ଦିନିକିଆରେ ଭାରତ ୬ ୱିକେଟରେ ବିଜୟ ହାସଲ କରି ସିରିଜରେ ୧-୦ରେ ଆଗୁଆ ରହିଛି। ଅଧିନାୟିକା ହରମନପ୍ରୀତ କୌର ସିରିଜ୍ ପାଇଁ ବିଶ୍ରାମ ନେଉଥିବାରୁ ସ୍ମୃତି ମନ୍ଧାନା ବର୍ତ୍ତମାନ ଭାରତୀୟ ଦଳର ନେତୃତ୍ୱ ନେଉଛନ୍ତି। ସିରିଜର ତୃତୀୟ ମ୍ୟାଚ୍ ଚଳିତ ମାସ ୧୫ ତାରିଖରେ ଖେଳାଯିବ।
