ତିଗିରିଆ : ତିଗିରିଆ ବ୍ଳକ ବଜରଙ୍ଗ ଦଳ ପକ୍ଷରୁ ପବିତ୍ର ପଣା ସଂକ୍ରାନ୍ତି ତଥା ଓଡ଼ିଆ ନବବର୍ଷ ଅବସରରେ ଶୁକ୍ରବାର ଏକ ବିଶାଳ ବାଇକ୍ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି। କୈଳାସ ବର୍ଦ୍ଧନଙ୍କ ସଂଯୋଜନାରେ ଅନୁଷ୍ଠିତ ଏହି ଶୋଭାଯାତ୍ରା ନୂଆପାଟଣା ଗୋବିନ୍ଦ ମନ୍ଦିର ଠାରୁ ଆରମ୍ଭ ହୋଇ ଗ୍ରାମ ପରିକ୍ରମା କରି ମା କଳାପାଟ ମନ୍ଦିର ଦେଇ ନୂଆପାଟଣା ବଜାର, ବିନ୍ଧାଣିମା ଗ୍ରାମ, ଗୋପୀନାଥପୁର ଶାସନ, ନିଜିଗଡ଼, ପୁରୁଣା ତିଗିରିଆ, ଏବଂ ପାଞ୍ଚଗାଁ ପରିକ୍ରମା କରି ହାଟ ପଡ଼ିଆ ଠାରେ ଶେଷ ହୋଇଥିଲା। ଏହି କାର୍ଯ୍ୟକ୍ରମର ମୁଖ୍ୟବକ୍ତା ଭାବେ ବିଶ୍ଵ ହିନ୍ଦୁ ପରିଷଦର ପୂର୍ଣ୍ଣକାଳୀନ କର୍ମକର୍ତ୍ତା ପ୍ରଶାନ୍ତ କୁମାର ପଣ୍ଡା ଏବଂ ଅନ୍ୟମାନଙ୍କ ମଧ୍ୟରେ ଚିତ୍ତରଞ୍ଜନ କର, ସନ୍ତୋଷ କୁମାର ରାଉତ, ଚିନ୍ମୟ ମଲ୍ଲିକ, ପ୍ରତାପ ଦତ୍ତ, ପ୍ରସନ୍ନ କଟୁଆଳ, ବିଦ୍ୟାଧର ପୃଷ୍ଟି, ଚିନ୍ମୟ ବେହେରା, ଦିପୁନା ସେନାପତି, ଗଣେଶ୍ୱର ରାଉତ, ବିଟୁନ ରାଉତ, ଅଜିତ କୁମାର ଦାସ, ବାଜ ବେହେରା, ସରୋଜ ଜେନା, ସୌଭାଗ୍ୟ ମହାନ୍ତି, ତପନ ପ୍ରଧାନ, ଜଗଦୀଶ ମିଶ୍ର, ତାପସ ବେହେରା ପ୍ରମୁଖ ଯୋଗ ଦେଇଥିଲେ।
Comments are closed.