ଡେସ୍କ: ରାଜ୍ୟସଭାରେ ଆଜି କେନ୍ଦ୍ରୀୟ ଦ୍ରବ୍ୟ ଏବଂ ସେବା କର ସଂଶୋଧନ ବିଲ୍ – ୨୦୨୩ ଆଗତ କରାଯାଇଛି। ଏହି ବିଲ୍ ପାରିତ ହେଲେ କେନ୍ଦ୍ରୀୟ ଦ୍ରବ୍ୟ ଏବଂ ସେବା କର ବିଧେୟକ ୨୦୧୭ର ବ୍ୟବସ୍ଥାରେ ସଂଶୋଧନ ହୋଇପାରିବ। ଏହା ଦ୍ୱାରା କେନ୍ଦ୍ର ସରକାର ଅପିଲେଟ ଟ୍ରିବ୍ୟୁନାଲ ଗଠନ କରିପାରିବେ।
ରାଜ୍ୟସଭାରେ ସଂଶୋଧନ ବିଲ୍ ଉପସ୍ଥାପନ କରି ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ କେନ୍ଦ୍ରୀୟ ଦ୍ରବ୍ୟ ଏବଂ ସେବା କର ବିଲ୍ – ୨୦୧୭ର ଦୁଇଟି ବିଭାଗକୁ ରଦ୍ଦ କରିବାକୁ ମାଡ୍ରାସ ହାଇକୋର୍ଟଙ୍କ ନିର୍ଦ୍ଦେଶ ପରେ ଏହି ବିଲ୍ ଆଗତ କରାଯାଇଛି। ୨୦୧୯ରେ ଜିଏସଟି ଅପିଲେଟ ଟ୍ରିବ୍ୟୁନାଲ ଗଠନ ନେଇ ସୂଚିତ କରାଯାଇଥିଲା। ଅର୍ଥମନ୍ତ୍ରୀ କହିଛନ୍ତି ଯେ ଟ୍ରିବ୍ୟୁନାଲ ସଦସ୍ୟଙ୍କ ସେବା ଓ ସର୍ତ୍ତାବଳୀ ସ୍ଥିର କରିବା କାର୍ଯ୍ୟ ଚାଲିଛି।
ତିକ୍ତତା ମଧ୍ୟରେ ତାଇୱାନ ସୀମା ଅତିକ୍ରମ କଲା ଚୀନ ବେଲୁନ; ପ୍ରବେଶ କଲା ସାମରିକ ବିମାନ
ଏହି ସଂଶୋଧନ ବିଧେୟକ ନେଇ ବିଜେଡି ସାଂସଦ ଡକ୍ଟର ଅମର ପଟ୍ଟନାୟକ ଗୃହରେ ବିତର୍କ ଆରମ୍ଭ କରିଥିଲେ। ଏହି ଟ୍ରିବ୍ୟୁନାଲରେ ଜଣେ ଅଧ୍ୟକ୍ଷ, ଜଣେ ଟ୍ରଷ୍ଟି ସଦସ୍ୟ ଏବଂ ଦୁଇଜଣ ବୈଷୟିକ ସଦସ୍ୟ ରହିବେ। ଟ୍ରିବ୍ୟୁନାଲର ଅଧ୍ୟକ୍ଷଙ୍କ ବୟସ ସୀମାକୁ ୬୭ରୁ ୭୦ ବର୍ଷ ଏବଂ ସଦସ୍ୟଙ୍କ ବୟସ ସୀମାକୁ ୬୫ରୁ ୬୭ବର୍ଷକୁ ବୃଦ୍ଧି କରିବାକୁ ବିଲରେ ବ୍ୟବସ୍ଥା ରହିଛି। ଏଥିରେ ଓକିଲମାନେ ନ୍ୟାୟିକ ସଦସ୍ୟ ଭାବରେ ନିଯୁକ୍ତ ହେବା ପାଇଁ ଅତି କମରେ ଦଶ ବର୍ଷର ଅଭିଜ୍ଞତା ରହିବା ବାଧ୍ୟତାମୂଳକ କରାଯାଇଛି।
Comments are closed.