ଚୀନ ଭୂକମ୍ପ ମୃତ୍ୟୁ ସଂଖ୍ୟା ୧୩୧କୁ ବୃଦ୍ଧି, ଉଦ୍ଧାର କାର୍ଯ୍ୟ ଜାରି

ଡେସ୍କ: ଚାଇନାର ଉତ୍ତର-ପଶ୍ଚିମ ଅଂଚଳର ଗଣସୁ ଏବଂ ଇଙ୍ଗାଇରେ ୬.୨ ସାନ୍ଦ୍ରତା ବିଶିଷ୍ଟ ଭୂକମ୍ପରେ ମୃତ୍ୟୁ ସଂଖ୍ୟା ୧୩୧କୁ ବୃଦ୍ଧି ପାଇଛି। ସବୁଠାରୁ ଭୟଙ୍କର କୁହାଯାଉଥିବା ଏହି ଭୂକମ୍ପରେ ରାସ୍ତା, ବାସଗୃହ ଧ୍ୱଂସସ୍ତୁପରେ ପରିଣତ ହେବା ସହ ବିଦ୍ୟୁତ ସଂଯୋଗ ଓ ସାଧାରଣ ଯୋଗାଯୋଗ ବ୍ୟବସ୍ଥା ସମ୍ପୂର୍ଣ୍ଣ ବ୍ୟାହତ ହୋଇଛି।

https://samajalive.in/chinese-balloon-detected-crossing-taiwan-strait-median-line/520236.html

ସେଠାକାର ପ୍ରସାରଣକାରୀ ସିସିଟିଭି ଅନୁଯାୟୀ, ଗଣସୁ ଅଂଚଳରେ ୭୭୨ ଜଣ ଓ ଇଙ୍ଗାଇରେ୧୯୮ ଜଣ ଆହତ ହୋଇଛନ୍ତି। ଏହି ଭୂକମ୍ପରେ ୧୬ ଜଣ ନିଖୋଜ ଥିବା ଜଣାପଡିଛି। ପ୍ରାୟ ୧୫ ହଜାର ଘର ଭାଙ୍ଗିରୁଜି ନଷ୍ଟ ହୋଇଯାଇଥିବା ବେଳେ ହଜାର ହଜାର ଲୋକ ବାସହୀନ ହୋଇଛନ୍ତି। ଅନ୍ୟ ପକ୍ଷରେ କେତେକ ଅଂଚଳରେ ତାପମାତ୍ରା ଶୂନ୍ୟ ଡିଗ୍ରୀରୁ ତଳକୁ ଖସି ଥିବାରୁ ଲୋକମାନଙ୍କ ଜୀବନ ପ୍ରତି ବିପଦ ସୃଷ୍ଟି ହେବା ନେଇ ଆଶଙ୍କା ପ୍ରକାଶ ପାଇଛି।

https://samajalive.in/odisha-news-1334/520214.html

ଉଦ୍ଧାର କାର୍ଯ୍ୟ ଏବେ ମଧ୍ୟ ଜାରି ରହିଛି। ପ୍ରାୟ ୧ ହଜାର ୫୦୦ ଜଣ ଅଗ୍ନିଶମ ଅଧିକାରୀଙ୍କୁ ଉଦ୍ଧାର କାର୍ଯ୍ୟରେ ନିୟୋଜିତ କରାଯାଇଥିବା ବେଳେ ୧୫୦୦ ଜଣଙ୍କୁ ପ୍ରସ୍ତୁତ ରଖାଯାଇଛି। ରିଲିଫ ଓ ଉଦ୍ଧାର ପାଇଁ ୩୦୦ ସେନା ଅଧିକାରୀଙ୍କୁ ନିୟୋଜିତ କରାଯାଇଛି।

ସୂଚନାଯୋଗ୍ୟ, ୨୦୧୦ ମସିହାରେ ଏହି ଦୁଇଟି ସ୍ଥାନରେ ଭୂକମ୍ପ ଘଟି ୨ ହଜାର ୬୯୮ ଜଣଙ୍କର ମୃତ୍ୟୁ ଘଟିଥିଲା।