ଠାକୁରମୁଣ୍ଡା: ମୟୁରଭଞ୍ଜ ଜିଲା ଠାକୁରମୁଣ୍ଡା ଥାନା ଅନ୍ତର୍ଗତ ଠାକୁରମୁଣ୍ଡା-କରଞ୍ଜିଆ ରାସ୍ତାର ୫୩ ନଂ ରାଜ୍ୟ ରାଜପଥ ଚାଇଁବାଇଁଶ ପେଟ୍ରୋଲ ପମ୍ପ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା, ଆଜି ଏକ କାର ଠାକୁରମୁଣ୍ଡା ପଟୁ ଦୃତଗତିରେ ଆସି ଚାଇଁବାଇଶି ଛକ ନିକଟରେ ରାସ୍ତାର ଡାହାଣ ପାର୍ଶ୍ବରେ ଥିବା ଏକ ଶାଳ ଗଛକୁ ଧକ୍କା ଦେଇଥିଲା ଏବଂ ରାସ୍ତା ଉପରେ ଓଲଟି ପଡିଥିଲା। ଫଳରେ କାର ଚାଳକଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିବା ସୂଚନା ମିଳିଛି। ଏହି କାରରେ ବସି ଥିବା ଅନ୍ୟ ଜଣେ ବ୍ୟକ୍ତି ଗୁରୁତର ଆହତ ହୋଇଥିବାର ଜଣାପଡିଛି। ମୃତ ବ୍ୟକ୍ତି ଜଣକ ହେଉଛନ୍ତି ରିତେଶ ଗୁପ୍ତା ଏବଂ ସେ ସୁକୃଳି ଠାରେ ଥିବା ବିଦେଶୀ ମଦ ଦୋକାନୀର ଭାଇ ଏବଂ ଅନ୍ୟ ଜଣେ ଗୁରୁତର ହେଲେ ସଞ୍ଜୟ ଯାଦବ ଉକ୍ତ ମଦ ଦୋକାନର କର୍ମଚାରୀ ବୋଲି ଜଣାପଡିଛି।
ଉଭୟ ଆଜି ଏକ ମାରୁତିକାର ଯୋଗେ କୌଣସି କାମରେ ଠାକୁରମୁଣ୍ଡା ଆସି ସୁକୃଳିକୁ ଫେରୁ ଥିବା ସମୟରେ ଏପରି ଦୁର୍ଘଟଣା ହୋଇଥିଲା। ଦୁର୍ଘଟଣା ପରେ ୧୦୮ ଆମ୍ବୁଲାନ୍ସ ଯୋଗେ ଠାକୁରମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। ହେଲେ ସେଠାରେ ଡାକ୍ତର ରିତେଶଙ୍କୁ ମୃତ ଘୋଷଣା କରିଥିଲା ବେଳେ ଗୁରୁତର ଥିବା ସଞ୍ଜୟ ଯାଦବଙ୍କୁ ଅଧିକ ଚିକିତ୍ସା ପାଇଁ କଟକ ବଡ ଡାକ୍ତରଖାନା ସ୍ଥାନାନ୍ତରିତ କରାଯାଇଛି। ଖବର ପାଇ ଠାକୁରମୁଣ୍ଡା ଥାନା ପୁଲିସ ପହଞ୍ଚି ଘଟଣାର ତଦନ୍ତ କରୁଛି। ଠାକୁରମୁଣ୍ଡା ଥାନା କେଶ ନଂ ୨୧/୨୦୨୨ ମାମଲା ରୁଜୁ କରି ମୃତଦେହ ବ୍ୟବଚ୍ଛେଦ ପାଇଁ କରଞ୍ଜିଆ ଉପଖଣ୍ଡ ଡାକ୍ତରଖାନା ପଠାଯାଇଛି।
Comments are closed.