ନୂଆଦିଲ୍ଲୀ: ଆମେରିକାର ଖଲିସ୍ତାନୀ ଆତଙ୍କବାଦୀ ଗୁରପତୱନ୍ତ ସିଂ ପନ୍ନୁନ୍ଙ୍କୁ ହତ୍ୟା ଷଡ଼ଯନ୍ତ୍ର କରିଥିବା ଅଭିଯୋଗରେ ଅଭିଯୁକ୍ତ ଜଣେ ଭାରତୀୟଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ନେବା ଲାଗି କେନ୍ଦ୍ର ସରକାରଙ୍କ ଦ୍ୱାରା ଗଠିତ ଉଚ୍ଚସ୍ତରୀୟ କମିଟି ସୁପାରିସ କରିଛି। ଆମେରିକାରେ ଅପରାଧ ଘଟାଇବାର ଷଡଯନ୍ତ୍ର କରିଥିବା ନେଇ ଭାରତୀୟଙ୍କ ବିରୋଧରେ ଅଭିଯୋଗ ଆସିବାରେ କେନ୍ଦ୍ର ସରକାର ଏହାର ତଦନ୍ତ ପାଇଁ ଏକ ଉଚ୍ଚସ୍ତରୀୟ କମିଟି ଗଠନ କରିଥିଲେ। ୨୦୨୩ ନଭେମ୍ବରରେ ଏହି କମିଟି ଗଠନ କରାଯାଇଥିଲା। ତଦନ୍ତ ଆଧାରରେ କମିଟି କାର୍ଯ୍ୟାନୁଷ୍ଠାନ ପାଇଁ ସୁପାରିସ କରିଛି। ମାତ୍ର କେଉଁ ଭାରତୀୟ ବ୍ୟକ୍ତି ବିଶେଷ ବା ସଂଗଠନ ଆମେରିକା ଅପରାଧ ଘଟାଇବାକୁ ଷଡଯନ୍ତ୍ର କରିଥିଲା ତାହା ଉକ୍ତ ତଦନ୍ତକାରୀ କମିଟି ଜଣାଇ ନାହିଁ। ୨୦୨୩ରେ ଆମେରିକା ନ୍ୟାୟିକ ବିଭାଗ ଅଭିଯୋଗ କରିଥିଲା ଯେ ଭାରତ ସରକାରଙ୍କ ଦ୍ବାରା ନିଯୁକ୍ତ ଜଣେ ଏଜେଣ୍ଟ ଓ ବ୍ୟକ୍ତି ବିଶେଷ ପନ୍ନୁନ୍କୁ ହତ୍ୟା ପାଇଁ ଷଡଯନ୍ତ୍ର କରିଛନ୍ତି। ପରେ କୁହାଯାଇଥିଲା ଯେ ପନ୍ନୁନ୍ ହତ୍ୟା ଷଡଯନ୍ତ୍ରରେ ସାମିଲ ବ୍ୟକ୍ତି ବିଶେଷ ଭାରତ ଗୁଇନ୍ଦା ସଂସ୍ଥା ର’ର ଏଜେଣ୍ଟ।
Popular Categories
Previous article
Next article