ଥିରୁଭାନନ୍ତପୁରମ – ଏବେ ଦିନକୁ ଦିନ ବୁଲା କୁକୁରଙ୍କ ସହ ପୋଷା କୁକୁରଙ୍କ ଦୌରାତ୍ମ ବୃଦ୍ଧି ପାଇବାକୁ ଲାଗୁଛି । ଗତ କିଛି ଦିନ ହେବ କୁକୁର ଆକ୍ରମଣରେ କାହାର ମୃତ୍ୟୁ ହେଲାଣି ତ କେହି ଗୁରୁତର ହେଉଛନ୍ତି । କେରଳରୁ ଏପରି ଏକ ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ୍ ହେଉଛି ଯାହା ସମସ୍ତଙ୍କୁ ବିଚଳିତ କରୁଛି । ଏଥିରେ ଏକ ବୁଲା କୁକୁର ସାଇକେଲ୍ ଚଲାଉଥିବା ୧୨ ବର୍ଷର ବାଳକକୁ କାମୁଡି ଲହୁଲୁହାଣ କରୁଥିବା ଦେଖିବା ପାଇଁ ମିଳୁଛି ।
A boy sitting on a bicycle was attacked by a dog in Arakkinar (Kozhikode) of #Kerala. This video is on #Viral #socialmedia. pic.twitter.com/5LhajPL2ev
— Siraj Noorani (@sirajnoorani) September 13, 2022
କେରଳର କୋଝିକୋଡ ଜିଲ୍ଲାର ଏହି ଘଟଣା ବୋଲି ଜଣାପଡିଛି । ପିଲାଟି ସାଇକେଲ୍ ଚାଲାଉଥିବା ବେଳେ ଏକ ଗଳିରୁ କୁକୁରଟି ଦୌଡି ଆସିବା ସହ ପିଲାଟିକୁ ଆକ୍ରମଣ କରୁଛି । କୁକୁରଟି ପିଲାକୁ ଆକ୍ରମଣ କରି ତାହାର ହାତକୁ କାମୁଡି ଦେଇଥିବା ଦେଖିବା ପାଇଁ ମିଳିଛି । ପିଲାଟି ହାତକୁ ଛଡାଇ ନିକଟରେ ଥିବା ଏକ ଘରେ ପଶିଯାଉଥିବା ଦେଖିବା ପାଇଁ ମିଳୁଛି ।
ଏହା ପରେ କିଛି ଲୋକ ସେହି ପିଲାଟିକୁ ଉଦ୍ଧାର କରିବା ପାଇ ଆସି ପିଲାଟି କୁକୁର କାମୁଡାରେ ଗୁରୁତର ହୋଇଥିବା ଦେଖିବା ପାଇଁ ପାଇଥିଲେ । କେରଳ ସରକାର ଏବେ ରୋଗଗ୍ରସ୍ତ ଏବଂ ହିଂସ୍ର କୁକୁରମାନଙ୍କୁ ମାରିବା ପାଇଁ ସୁପ୍ରିମକୋର୍ଟରେ ଆବେଦନ କରିବେ ବୋଲି ଜଣାପଡିଛି । ମାସ ମଧ୍ୟରେ ସମସ୍ତ ବୁଲାକୁକୁରଙ୍କୁ ଧରି ଅନ୍ୟସ୍ଥାନରେ ଛଡାଯିବ ବୋଲି ଜଣାପଡିଛି ।
