ଉଚ୍ଚ କୋଲେଷ୍ଟେରୋଲ୍ ହୃଦୟ ଜନିତ ମାରାତ୍ମକ ରୋଗ ସହ ଷ୍ଟ୍ରୋକ୍ ବିପଦ ସୃଷ୍ଟି କରିଥାଏ। ତେଣୁ ଏହାକୁ ନିୟନ୍ତ୍ରଣରେ ରଖିବା ନିତାନ୍ତ ଆବଶ୍ୟକ। ବିଶେଷ କରି ଶରୀରରେ ରାତି ସମୟରେ ଦେଖାଯାଉଥିବା ଖରାପ ଏଲଡିଏଲ କୋଲେଷ୍ଟେରୋଲର ଲକ୍ଷଣ ଦେଖାଗଲେ ଏହାକୁ ଆଦୌ ଅଣଦେଖା କରନ୍ତୁ ନାହିଁ।
ରାତି ସମୟରେ ଆପଣଙ୍କ ପାଦରେ ପୋଡାଜଳା ହେବା ଭଳି ଅନୁଭୂତ ହେବା ଶରୀରରେ ଖରାପ କୋଲେଷ୍ଟେରୋଲ୍ ବୃଦ୍ଧି ହେବାର ସଙ୍କେତ ଦେଇଥାଏ।
ରାତିରେ ଶୋଇବା ସମୟରେ ଦୀର୍ଘ ଦିନ ଧରି ଛାତିରେ ଯନ୍ତ୍ରଣା ଅନୁଭବ ହେଲେ ଏହାକୁ ଆଦୌ ଅଣଦେଖା କରନ୍ତୁ ନାହିଁ। ଏହା ଉଚ୍ଚ କୋଲେଷ୍ଟେରୋଲର ସଙ୍କେତ ଦେଇଥାଏ।
ହାତ, ପାଦରେ ଝିମଝିମ ହେବା ଭଳି ଅନୁଭୂତ ହେବା ମଧ୍ୟ ଉଚ୍ଚ କୋଲେଷ୍ଟେରୋଲର ଲକ୍ଷଣ ହୋଇପାରେ। ବିଶେଷ କରି ଏହି ଯନ୍ତ୍ରଣା ରାତି ସମୟରେ ଅଧିକ ଅନୁଭବ ହୋଇଥାଏ। ଏଭଳି ହେଉଥିଲେ ତୁରନ୍ତ ଡାକ୍ତରଙ୍କ ସହ ପରାମର୍ଶ କରନ୍ତୁ।
ରାତିରେ ଶୋଇବା ସମୟରେ ନିଶ୍ୱାସପ୍ରଶ୍ୱାସ ନେବାରେ ସମସ୍ୟା ହେଉଥିଲେ, ବାରମ୍ବାର ନିଦ ଭାଙ୍ଗୁ ଥିଲେ, ନିଶ୍ଚୟ କୋଲେଷ୍ଟେରୋଲ୍ ପରୀକ୍ଷା କରାନ୍ତୁ।
ରାତିରେ ପାଦ ବରଫ ଭଳି ଥଣ୍ଡା ପଡିବା ମଧ୍ୟ ଶରୀରରେ ଖରାପ କୋଲେଷ୍ଟେରୋଲ୍ ବୃଦ୍ଧିର ଲକ୍ଷଣ ହୋଇଥାଏ।
