ନୂଆଦିଲ୍ଲୀ: ଇଂଲଣ୍ଡ ବିପକ୍ଷ ଦ୍ବିତୀୟ ଟେଷ୍ଟ ମ୍ୟାଚ୍ରେ ଶୁବମାନ ଗିଲ୍ ଭାରତ ତରଫରୁ ବ୍ୟାଟିଂ ଓପନ କରିବା ଉଚିତ ବୋଲି କହିଛନ୍ତି ପୂର୍ବତନ ମନୋନୟନକାରୀ ଶରଣଦୀପ ସିଂହ। ଏକ ଗଣମାଧ୍ୟମକୁ ସାକ୍ଷାତକାର ଦେଇ ଶରଣଦୀପ କହିଥିଲେ ଦ୍ବିତୀୟ ଟେଷ୍ଟରେ ଶୁବମାନ ଓ ଯଶସ୍ବୀ ଜୟସ୍ବାଲ ଭାରତ ତରଫରୁ ବ୍ୟାଟିଂ ଓପନ କରିବା ଉଚିତ। ଅନ୍ୟପକ୍ଷରେ ଅଧିନାୟକ ରୋହିତ ଶର୍ମା ୩ନଂ ସ୍ଥାନରେ ବ୍ୟାଟିଂ କଲେ ଭଲ ହେବ।
ସୂଚନାଥାଉକି, ଶୁବମାନ ବର୍ତ୍ତମାନ ଟେଷ୍ଟ କ୍ରିକେଟରେ ଆଶାନୁରୂପ ବ୍ୟାଟିଂ ପ୍ରଦର୍ଶନ କରିବାରେ ବିଫଳ ହେଉଛନ୍ତି। ସେ ଗତବର୍ଷ ମାର୍ଚ୍ଚରେ ଅଷ୍ଟ୍ରେଲିଆ ବିପକ୍ଷ ଟେଷ୍ଟରେ ଶତକ ହାସଲ କରିଥିଲେ। ତେବେ ପରବର୍ତ୍ତୀ ୧୧ଟି ଇନିଂସରେ ସେ ଗୋଟିଏ ହେଲେ ଅର୍ଦ୍ଧଶତକ ହାସଲ କରି ପାରି ନାହାନ୍ତି। ଟେଷ୍ଟରେ ଶୁବମାନ ୩ନଂ ସ୍ଥାନରେ ବ୍ୟାଟିଂ କରୁଥିଲେ ମଧ୍ୟ ସେ ବିଶେଷ ସଫଳତା ପାଇ ପାରୁ ନାହାନ୍ତି। ଟେଷ୍ଟର ୩ନଂ ସ୍ଥାନରେ ବ୍ୟାଟିଂ କରିବା ନିମନ୍ତେ ଯେଉଁ କୌଶଳ ଓ ମନୋଭାବ ଆବଶ୍ୟକ ତାହା ଶୁବମାନଙ୍କ ନିକଟରେ ପରିଲକ୍ଷିତ ହେଉ ନାହିଁ ବୋଲି ବହୁ ପୂର୍ବତନ କ୍ରିକେଟର୍ କହି ସାରିଛନ୍ତି। ଇଂଲଣ୍ଡ ବିପକ୍ଷ ପ୍ରଥମ ଟେଷ୍ଟରେ ଶୁବମାନ ଆଶାନୁରୂପ ବ୍ୟାଟିଂ କରିବାରେ ବିଫଳ ହେବା ପରେ ପୂର୍ବତନ କ୍ରିକେଟର୍ ୱାସିମ ଜାଫର ସାମାଜିକ ଗଣମାଧ୍ୟମରେ ଏକ ବାର୍ତ୍ତା ଦେଇ ଶୁବମାନ ଦ୍ବିତୀୟ ଟେଷ୍ଟରେ ଭାରତ ତରଫରୁ ବ୍ୟାଟିଂ ଓପନ କରିବା ଉଚିତ ବୋଲି କହିଥିଲେ। ଶୁବମାନ ଓ ଜୟସ୍ବାଲ ଭାରତ ତରଫରୁ ବ୍ୟାଟିଂ ଓପନ କରିବାକୁ ସେ ପ୍ରସ୍ତାବ ଦେବା ସହ ରୋହିତ ୩ନଂ ସ୍ଥାନରେ ବ୍ୟାଟିଂ କରିବା ଭାରତ ପାଇଁ ଶୁଭଙ୍କର ବୋଲି ଦର୍ଶାଇଥିଲେ। ଜାଫରଙ୍କ ପ୍ରସ୍ତାବ ପ୍ରତି ସମର୍ଥନବ୍ୟକ୍ତ କରିଛନ୍ତି ଶରଣଦୀପ।
Comments are closed.