ପାଟନା : ବିହାର ମୋକାମା ସହରସ୍ଥିତ ଆଶ୍ରୟଗୃହରୁ ୭ ଜଣ ନାବାଳିକା କେଉଁଆଡେ ନିଖୋଜ ହୋଇଯାଇଛନ୍ତି। ଖବର ପାଇବା ପରେ ପୁଲିସ୍ ମାମଲା ରୁଜୁ କରି ତଦନ୍ତ ଚଳାଇଛି। ସୂଚନା ଅନୁସାରେ ଏହି ଆଶ୍ରୟଗୃହରେ ମୁଜାଫରନଗର ବାଳିକା ଗୃହକାଣ୍ଡ ଘଟଣାର ୫ ଜଣ ଝିଅ ରହୁଥିଲେ।
ପାଟନା ଜିଲାପାଳ କୁମାର ରବି କହିଛନ୍ତି ଯେ ୭ ଜଣ ଝିଅ ଆଶ୍ରୟଗୃହରୁ ନିଖୋଜ ହୋଇଯାଇଥିବା ସୂଚନା ମିଳିଛି। ଏନେଇ ଏକ ମାମଲା ରୁଜୁ କରାଯାଇଛି ଓ ତଦନ୍ତ ଚାଲିଛି। ସମାଜିକ କଲ୍ୟାଣ ବିଭାଗ ନିର୍ଦେଶକ ରାଜ କୁମାର କହିଛନ୍ତି ଯେ ମୋକାମା ସ୍ଥିତ ଆଶ୍ରୟସ୍ଥଳରୁ ଶନିବାର ଭୋର ୩ଟାରୁ ସାଢେ ୩ଟା ଭିତରେ ୭ ଜଣ ନାବାଳିକା କେଉଁଆଡେ ପଳାଇଛନ୍ତି। ସେମାନଙ୍କୁ ଏହି ଆଶ୍ରୟକେନ୍ଦ୍ରରେ ମାଡ଼ ମରାଯାଉଥିଲା ବୋଲି ଅଭିଯୋଗ ହୋଇ ଆସୁଥିଲା। ପ୍ରକାଶଯୋଗ୍ୟ ଯେ ମୁଜାଫରନଗର ଆଶ୍ରୟ କେନ୍ଦ୍ର ଘଟଣା ପରେ ସେଠାରୁ ୫ ଜଣ ଝିଅଙ୍କୁ ଆଣି ଏହି ଆଶ୍ରୟ ଗୃହରେ ରଖାଯାଇଥିଲା। ୭ ଫେରାର ନାବାଳିକାଙ୍କ ମଧ୍ୟରେ ମୁଜାଫରନଗରର ୫ ଜଣ ଯାକଁ ଅଛନ୍ତି।
ଆଶ୍ରୟ କେନ୍ଦ୍ରରୁ ୭ ଝିଅ ନିଖୋଜ
Popular Categories
Previous article
Next article