ଭୋପାଳ .- ଗୋଟିଏ ନୁହେଁ କି ଦୁଇଟି ନୁହେଁ ୩୦ରୁ ଅଧିକ ହତ୍ୟା । ଟ୍ରକ ଚୋରି ସହ ଟ୍ରକର ଜିନିଷ ଟଙ୍କା ଓ ମୋବାଇଲ ଚୋରି ପାଇଁ ହତ୍ୟା । ଏପରି ଜଣେ ହତ୍ୟାକାରୀକୁ ମଧ୍ୟପ୍ରଦେଶ ପୁଲିସ ଗିରଫ କରିଛି । ଆଦେଶ ଖାମରା ନାମକ ବ୍ୟକ୍ତି ଜଣଙ୍କ ଦରଜୀ କାମ କରେ । ହେଲେ ସେ ଜଣେ ସିରିଏଲ୍ କିଲର୍ । ଝାନସୀର ଏକ ଅପରାଧୀ ଗୋଷ୍ଠୀ ସହ ମିଶି ସେ ପ୍ରଥମେ ଟ୍ରକ ଚୋରି କରୁଥିଲା । ସେ କଥା କହି ଟ୍ରକ ଡ୍ରାଇଭର ଓ ହେଲପରଙ୍କୁ ଭୁଲାଇବା ପରେ ସେମାନଙ୍କୁ ନିଛାଟିଆ ସ୍ଥାନକୁ ନେଇ ହତ୍ୟା କରୁଥିଲା । ଏହାପରେ ଡ୍ରାଇଭରକୁ ଓ ହେଲପରକୁ ଅନ୍ୟ ଅନ୍ୟ ଜିଲାରେ ଫିଙ୍ଗୁଥିଲା ।
ସେ ଏଇ ଅପରାଧ କଥା ସେ କାହାକୁ ଏପରି ନିଜ ସ୍ତ୍ରୀକୁ ବି କହି ନ ଥିଲା । ପୁଲିସ ଆଦେଶର ସହଯୋଗୀ ଜୟକିରଣ ନାମକ ଅପରାଧୀକୁ ବି ଗିରଫ କରିଛି । ଏମାନେ କୋଡ୍ ଓ୍ୱାର୍ଡରେ କଥା ବାର୍ତ୍ତା କରୁଥିଲେ । ଟ୍ରକ ଡ୍ରାଇଭର ଓ ହେଲପରଙ୍କୁ କଥାରେ ଭୁଲାଇବା ପରେ ସେମାନଙ୍କୁ ନିଶାଦ୍ରବ୍ୟ ଖାଇବାକୁ ଦେଉଥିଲେ । ସେମାନେ ଶୋଇ ପଡିବା ପରେ ତାଙ୍କୁ ହତ୍ୟାକରି ପୋଷକ କାଢି ପାଣିରେ ଫିଙ୍ଗି ଦେଉଥିଲେ । ଟ୍ରକ ଚୋରି ପରେ ଏଥିରେ ଥିବା ଜିନିଷ ସହ ଟ୍ରକକୁ ଗୋଓ୍ୱାଲିଅରର ଏକ ଗ୍ୟାଙ୍ଗକୁ ବିକ୍ରି କରୁଥିଲେ ।
