ଭୁବନେଶ୍ବର: ଟ୍ରଫ ଲାଇନ ପ୍ରଭାବରେ ବଙ୍ଗୋପସାଗରରେ ମୌସୁମୀ ସକ୍ରିୟ ରହିଥିବା ବେଳେ ପଶ୍ଚିମବଙ୍ଗ ଓ ଏହାର ଆଖପାଖ ଅଞ୍ଚଳରୁ ଘୂର୍ଣ୍ଣି ବଳୟ ଦକ୍ଷିଣାଭିମୁଖୀ ହୋଇଛି। ଏହାର ପ୍ରଭାବରେ ଓଡିଶା ଅକାଶ ମେଘାଚ୍ଛନ୍ନ ରହିବା ସହ ଅଳ୍ପ କେତେକ ସ୍ଥାନରେ ଘଡଘଡି ସହ ବର୍ଷା ହେବାର ସମ୍ଭାବନା ରହିଛି। ଏନେଇ ପାଣିପାଗ କେନ୍ଦ୍ର ପକ୍ଷରୁ ପୂର୍ବାନୁମାନ କରାଯାଇଛି। ଉପକୂଳ ଓଡିଶାର ମତ୍ସ୍ୟଜୀବୀମାନଙ୍କୁ ସମୁଦ୍ର ମଧ୍ୟକୁ ଯିବା ପାଇଁ ବାରଣ କରାଯାଇଛି। ସୋମବାର ଚାନ୍ଦବାଲି ଓ ଅନୁଗୁଳରେ ସର୍ବଧିକ ତାପମାତ୍ରା ୩୪.୭ ଡିଗ୍ରୀ ସେଲସିୟସ ରହିଥିବା ବେଳେ ୨୧.୫ ଡିଗ୍ରୀ ସେଲସିୟସ ସର୍ବନିମ୍ନ ହୀରାକୁଦରେ ରହିଛି । ଗତ ୨୪ ଘଣ୍ଟା ମଧ୍ୟରେ ଓଡିଶାର ଗୋଟିଏ ବା ଦୁଇଟି ସ୍ଥାନରେ ବର୍ଷା ହୋଇଥିବା ଜଣାପଡିଛି। ଅନୁଗୁଳ ଜିଲା ତାଳଚେରରେ ସର୍ବଧିକ ୬ ସେମି ବର୍ଷା ରେକର୍ଡ କରାଯାଇଛି ।
