ଫୁଲବାଣୀ: କନ୍ଧମାଳ ଜିଲ୍ଲାର ଖଜୁରୀପଡ଼ା ବ୍ଲକ୍ ଅନ୍ତର୍ଗତ ବିଭିନ୍ନ ବୁଥରେ ଟାଣ ଖରାରେ ଧାଡ଼ିରେ ଠିଆ ହୋଇ ମତଦାନ କଲେ ଭୋଟର । ସୂଚନା ପ୍ରକାରେ ଆଜି ରାଜ୍ୟରେ ୨ୟ ପର୍ଯ୍ୟାୟ ମତଦାନ ଚାଲିଥିବାବେଳେ ଖଜୁରୀପଡ଼ା ବ୍ଲକର ବିଭିନ୍ନ ବୁଥରେ ମତଦାନ ହୋଇଥିଲା । ସେଥି ମଧ୍ୟରୁ କେତେକ ମତଦାନ କେନ୍ଦ୍ରରେ ଅବ୍ୟବସ୍ଥା ଦେଖିବାକୁ ମିଳିଥିଲା । ସରକାର ତରଫରୁ ଗ୍ରୀଷ୍ମ ପ୍ରବାହ ପାଇଁ ଛାଇ ଓ ପାନୀୟଜଳ ସୁବିଧା ହେବା କଥା କିନ୍ତୁ ତାହା ଠିକ୍ ଭାବେ କରାଯାଇ ନଥିବା ଦେଖିବାକୁ ମିଳିଛି । ଲମ୍ବାବାଡି, ଦଳପଡା,ଝଗଡ ପଟା, ଅରାପାଜୁ ,ବୁଡାରା କାଡି, ଦୁତୀ ମେଣ୍ଡିର ମଲିକ ସାହି, ଆଡାସିପଡା, ମଲିକ ପଡା,ପୁଡୁନିସୁଗା ପରି ବିଭିନ୍ନ ବୁଥ ଅବ୍ୟବସ୍ଥାରେ ଚାଲିଥିଲା । ଗ୍ରୀଷ୍ମ ଖରାରେ ଭୋଟରମାନେ ଅନେକ ସମୟ ଧରି ଠିଆ ହୋଇରହିଥିବାବେଳେ କେଉଁଠି ପାଣିର ବ୍ୟବସ୍ଥା ହୋଇନଥିବା ଅଭିଯୋଗ ହୋଇଛି । ବ୍ଲକ୍ ପ୍ରଶାସନର ଏହି ଅବହେଳାକୁ ସାଧାରଣ ଲୋକଙ୍କଠୁ ଆରମ୍ଭ କରି ବୁଦ୍ଧିଜୀବୀ ମହଲରେ ନିନ୍ଦା କରାଯାଉଛି ।
ହାଇୱା ଧକ୍କାରେ ମହିଳା ମୃତ: କ୍ଷତିପୂରଣ ସହ ରାସ୍ତା ଚଉଡା କରିବା ପାଇଁ ଦାବିରେ ରାସ୍ତାରୋକ
