ବୁଗୁଡା: ମୁଖ୍ୟମନ୍ତ୍ରୀଙ୍କ ଦ୍ବାରା ପ୍ରଦତ୍ତ ଜିଲାପାଳ କ୍ଷମତା ପ୍ରୟୋଗ କରି ଗଞ୍ଜାମ ଜିଲା ବୁଗୁଡ଼ା ବ୍ଲକ ଅଧୀନ ମାଣିତରା ସରପଞ୍ଚ ପଞ୍ଚାୟତର ସମସ୍ତ ଗ୍ରାମରେ ସଟ୍ଡାଉନ (ଏକ ପ୍ରକାର କର୍ଫ୍ୟୁ) ଲାଗୁ କରିଛନ୍ତି। ମେ’ ୮ରୁ ୧୫ ତାରିଖ ପର୍ୟ୍ୟନ୍ତ ୭ ଦିନ ପାଇଁ ପୂର୍ବାହ୍ନ ୧୧ଟା ଠାରୁ ପରଦିନ ସକାଳ ୭ ଘଣ୍ଟା ପର୍ୟ୍ୟନ୍ତ (୨୦ ଘଣ୍ଟିଆ) ସଟ୍ଡାଉନ୍ ଘୋଷଣା କରାଯାଇଛି।
କରୋନା ମୁକାବିଲା ପାଇଁ ଓଡ଼ିଶାର ପ୍ରଥମ ପଞ୍ଚାୟତ ଭାବେ ମାଣିତରା ପଞ୍ଚାୟତର ସରପଞ୍ଚ ଏହି କ୍ଷମତା ପ୍ରୟୋଗ କରିଥିବା କୁହାଯାଉଛି। ସଟ୍ଡାଉନ ସମୟରେ ସକାଳ ୭ରୁ ୧୧ଟା ଯାଏ କେବଳ ତେଜରାତି ଓ ପନିପରିବା ଦୋକାନ ଖୋଲା ରହିବ। ଔଷଧ ଦୋକାନ ଦିନରାତି ଖୋଲା ରହିପାରିବ। ଗୁଜୁରାଟ ଫେରନ୍ତାଙ୍କ ଯୋଗୁଁ ସଂକ୍ରମଣ ବଢ଼ିବା ଆଶଙ୍କା ଥିବାରୁ ସଟ୍ଡାଉନ ଘୋଷଣା କରାଯିବା ସହ ଏଥିରେ ଜନସାଧାରଣଙ୍କ ସହଯୋଗ କାମନା କରାଯାଇଥିବା ସରପଞ୍ଚ ଶାନ୍ତିଲତା ନାୟକଙ୍କ ପ୍ରତିନିଧି ବବୁଲ୍ ନାୟକ କହିଛନ୍ତି।
Comments are closed.