ସମ୍ବଲପୁର : ସମ୍ବଲପୁର ଅବକାରୀ ବିଭାଗର ସଦର ରେଞ୍ଜ ପକ୍ଷରୁ ଜଣେ ମହିଳାଙ୍କୁ ବିପୁଳ ନିଶାକଫ ସିରଫ ସହିତ ଗିରଫ କରାଯାଇଛି। ବିଭାଗୀୟ ସୂଚନାନୁଯାୟୀ, ସଦର ରେଞ୍ଜର ଅଧିକାରିଣୀ ଅନ୍ନପୁର୍ଣ୍ଣା ରଥ ଓ କର୍ମଚାରୀ ଲପଙ୍ଗା ଅଞ୍ଚଳରେ ପେଟ୍ରୋଲିଂ କରୁଥିବାବେଳେ ବିଶ୍ୱସ୍ତସୂତ୍ରରୁ ବେଆଇନ ଭାବରେ ନିଶାକଫ ସିରଫ ବିକ୍ରିର ଖବର ମିଳିଥିଲା। ଏଣୁ ଠେଲକୋଲେଇ ଥାନା ଅର୍ନ୍ତଗତ ଶ୍ରଦ୍ଧାପାଲି ଗ୍ରାମରେ ଅବକାରୀ ଦଳ ଚଢ଼ଉ କରିଥିଲେ। ଚଢ଼ଉ ସମୟରେ ଉକ୍ତ ଗ୍ରାମର ନିବାସୀ ଭୁବନେଶ୍ୱରୀ ବେହେରା (୩୮) ଙ୍କ ନିକଟରୁ ବେଆଇନ ଭାବରେ ରଖାଯାଇଥିବା ୧୧୦ଟି ନିଶାକଫ ସିରଫ ଜବତ କରାଯାଇଥିଲା। ଏଣୁ ଏକ ମାମଲା ଅବକାରୀ ବିଭାଗ ତରଫରୁ ରୁଜୁ କରାଯାଇ ମହିଳାଙ୍କୁ ଗିରଫ କରି ଅଦାଲତକୁ ଚାଲାଣ କରାଯାଇଛି।
Comments are closed.