ଫୁଲ ଭିତରେ ରାଜା ଗୋଲାପ ବୋଲି ଆମେ ସଭିଏଁ ଜାଣୁ। ଏହା ସମସ୍ତଙ୍କର ମନକୁ କିଣିଥାଏ। ଏହାକୁ ପ୍ରେମର ପ୍ରତୀକ କହୁଥିବା ବେଳେ ଏହା ସଭିଁଙ୍କୁ ବେଶ ପସନ୍ଦ। ଏହାର ସୁନ୍ଦରତା , ସୁଗନ୍ଧ ପାଇଁ କେବଳ ନୁହେଁ ବରଂ ସ୍ୱାସ୍ଥ୍ୟ ପାଇଁ ମଧ୍ୟ ଏହା ଆବଶ୍ୟକ। ଗୋଲାପରୁ ପ୍ରସ୍ତୁତ ଗୋଲାପ ଜଳ କେଶ, ତ୍ୱଚା ଓ ଆଖି ପାଇଁ ବେଶ ଉପକାରୀ। ଜାଣନ୍ତୁ ଏହାକୁ କିପରି ବ୍ୟବହାର କଲେ ଏହା ସ୍ୱାସ୍ଥ୍ୟ ପାଇଁ ହିତକାରକ….
୧୦ ରୁ ୧୫ଟି ଗୋଲାପର ପାଖୁଡ଼ା ପାଣିରେ ଫୁଟାନ୍ତୁ। ପାଣିର ରଙ୍ଗ ଗୋଲାପି ରଙ୍ଗ ହୋଇଗଲେ ଏଥିରେ ଗୋଟିଏ ଚାମଚ ମହୁ ଏବଂ ଅଳ୍ପ ଡ଼ାଲଚିନି ପକାଇ ନିୟମିତ ପିଇବା ଦ୍ୱାରା ଓଜନ ହ୍ରାସ ହୋଇଥାଏ।
ଆପଣଙ୍କୁ କମ କାମ କରି ମଧ୍ୟ ଥକ୍କା ଅନୁଭବ ହେଉଥିଲେ ୧୦ ରୁ ୧୫ ଟି ଗୋଲାପର ପାଖୁଡ଼ାକୁ ବାଟି ଏଥିରେ ଚନ୍ଦନ ମିଶାଇ ଶରୀରରେ ଭଲ ଭାବେ ମାଲିସ କରନ୍ତୁ। ଏହି ସମସ୍ୟାରୁ ମୁକ୍ତି ମିଳିବ।
ମୁହଁର କଳା ଦାଗ ଦୂର କରିବାକୁ ରାତିରେ ପାଣିରେ କିଛି ମେଥି ପକାଇ ଭିଜାନ୍ତୁ। ଏବେ ଏହି ମେଥିରେ ଗୋଲାପ ପାଣି ପକାଇ ବାଟି ଦିଅନ୍ତୁ। ଏହାକୁ ମୁହଁରେ ଲଗାଇ ୨୦ ମିନିଟ ରଖିବା ପରେ ଧୋଇ ଦିଅନ୍ତୁ। ନିଜେ ଏହାର ଉପକାରିତା ଅନୁଭବ କରିପାରିବେ।
ଖରା ଦିନେ ଗରମ ହେବା, ଏସିଡ଼ିଟି, ପେଟ ଜନିତ ସମସ୍ୟା ଅଧିକ ହୋଇଥାଏ। ଗୋଲାପର ସର୍ବତ ପିଇବା ଦ୍ୱାରା ଏହି ସମସ୍ୟାରୁ ମୁକ୍ତି ମିଳିବା ସହ ଗୋଲାପ ଜଳରେ ଚନ୍ଦନ ମିଶାଇ ଶରୀରରେ ଲଗାଇଲେ ବହୁ ଉପକାର ମିଳିଥାଏ।
ସ୍ୱାସ୍ଥ୍ୟ ପାଇଁ ଆବଶ୍ୟକ ଫୁଲର ରାଜା
Popular Categories
Previous article
Next article