ନୂଆଦିଲ୍ଲୀ: ହାତ ଗଣତି ଆଉ ମାତ୍ର ଦିନ କେଇଁଟା ବାକି ରହିଛି। ବିଦାୟ ନେବ ୨୦୨୪ ଆଉ ଆସିବ ୨୦୨୫। ତେବେ ଆସନ୍ତୁ ଜାଣିବା ୨୦୨୪ରେ ଗୁଗଲରେ ସବୁଠୁ ଅଧିକ ସର୍ଚ୍ଚ କରାଯାଇଥିବା ଜିନିଷ ସମ୍ପର୍କରେ। ସବୁଠାରୁ ଆଶ୍ଚର୍ଯ୍ୟଜନକ ଘଟଣା। ଚଳିତବର୍ଷ ସର୍ଚ୍ଚ ହୋଇଥିବା ଜିନିଷ ମଧ୍ୟରେ ସବୁଠୁ ଆଗରେ ରହିଛି ଆମ୍ବ ଆଚାର। ଭାରତୀୟ ୟୁଜର୍ସମାନେ ଇଣ୍ଟରନେଟରେ ଫିଲ୍ମ, କ୍ରିକେଟ ଓ ଲୋକପ୍ରିୟ ମିମସ୍ ସହିତ ଯାତ୍ରାସ୍ଥଳୀ ଏବଂ ବିଶେଷ ଖାଦ୍ୟବ୍ୟଞ୍ଜନ ବିଷୟରେ ମଧ୍ୟ ସର୍ଚ୍ଚ କରିଛନ୍ତି। ୟୁଜର୍ସମାନେ କ୍ରିକେଟ୍ ସମ୍ବନ୍ଧୀୟ ସୂଚନା, ନିର୍ବାଚନ ଫଳାଫଳ, ଇଣ୍ଡିଆନ ପ୍ରିମିୟର ଲିଗ୍ ଓ ଟି-ଟ୍ବେଣ୍ଟି ୨୦ ମ୍ୟାଚ୍ ସମ୍ପର୍କରେ ବହୁଳ ଭାବରେ ସର୍ଚ୍ଚ କରାଯାଇଛି। ସେହିପରି ଯଦି ଆମେ ଚଳିତବର୍ଷର ଫିଲ୍ମ ମଧ୍ୟରେ ଦେଖିବା ତେବେ ଅଧିକ ସ୍ତ୍ରୀ ୨, କଳକୀ, ଟୁଓ୍ବେଥ୍ ଫେଲ୍, ଲାପତା ଲେଡିଜ ଇତ୍ୟାଦି ରହିଛି। ସେହିପରି ଟିଭି ଶୋ’ ମଧ୍ୟରୁ ହୀରାମଣ୍ଡି, ମିର୍ଜାପୁର, ବିଗବସ୍ ଇତ୍ୟାଦି ସର୍ଚ୍ଚ କରାଯାଇଛି। କିନ୍ତୁ ଯଦି ଆମେ ଖାଦ୍ୟପ୍ରେୟକୁ ଦେଖିବା ତେବେ ଲୋକେ ଅଧିକ ଆମ୍ବ ଆଚାର ଇଣ୍ଟରନେଟରେ ସର୍ଚ୍ଚ କରିଛନ୍ତି।
