ରେଙ୍ଗାଲିକ୍ୟାମ୍ପ:ଅତାବିରା ବିଜ୍ଞାପିତ ଅଞ୍ଚଳ ପରିଷଦ ଅନ୍ତର୍ଗତ ଲାଦରପାଲି ସ୍ଥିତ ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ମାତୃପୁରୀଠାରେ ଛାତ୍ରଛାତ୍ରୀ ଶିବିର ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମକୁ ବରଗଡ଼ ଜିଲା ଶ୍ରୀ ଅରବିନ୍ଦ ପାଠଚକ୍ର ସଙ୍ଗଠନର ସଂଯୋଜକ ଦେବରାଜ ବେହେରା ଉଦଘାଟନ କରିଥିଲେ। ଅଧ୍ୟକ୍ଷ ଟିକେଲାଲ୍ ଚାନ୍ଦଙ୍କ ଅଧ୍ୟକ୍ଷତାରେ ତଥା ନିରଞ୍ଜନ ପସାୟେତଙ୍କ ପରିଚାଳନାରେ କଳାପାଣି ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ରର ଅଧ୍ୟକ୍ଷ ସଂଗ୍ରାମ କେଶରୀ ମିଶ୍ର ଆଲୋଚକ ଭାବେ ଯୋଗ ଦେଇ ବୀରଯୋଦ୍ଧା ବିଷୟରେ ଆଲୋଚନା କରିଥିଲେ। ଏହାପରେ ଛାତ୍ରଛାତ୍ରୀମାନଙ୍କ ପାଇଁ ମୁକ୍ତ ଆଲୋଚନା ଓ ଜଣାଅଜଣା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
ଶେଷଦେବ ନାଏକ ଙ୍କ ସଭାପତିତ୍ବରେ ଓ ସରୋଜ କୁମାର ରଥ ଙ୍କ ପରିଚାଳନାରେ ବରଗଡ଼ ଜିଲା ଶ୍ରୀ ଅରବିନ୍ଦ ପାଠଚକ୍ର ସଙ୍ଗଠନର ସଂଯୋଜକ ରାଧାକାନ୍ତ ମିଶ୍ର ଯୋଗ ଦେଇ ସଫଳତା ଆମ ଲକ୍ଷ୍ୟ ନୁହେଁ ପୂର୍ଣ୍ଣତା ଆମର ଲକ୍ଷ୍ୟ ବିଷୟରେ ଆଲୋଚନା କରିଥିଲେ। ଶ୍ରୀ ଅରବିନ୍ଦ ସାହିତ୍ୟ ପରିଷଦର ଜିଲା ସଂଯୋଜକ ତପସ୍ବୀନୀ ମହାପାତ୍ର ମା’ଙ୍କ ଭଜନ ଗାନ କରିଥିଲେ। ଏହାପରେ ସତ୍ୟବାନ୍ ପ୍ରଧାନଙ୍କ ପରିଚାଳନାରେ ସାଂସ୍କୃତିକ କାର୍ଯକ୍ରମ ଅନୁଷ୍ଠିତ ହୋଇଥିଲା।
ଏହି ଅବସରରେ ଛାତ୍ରଛାତ୍ରୀମାନଙ୍କ ପାଇଁ ଜ୍ଞାନ ବିଜ୍ଞାନ, ସୃଜନଶୀଳତା, ଗ୍ରହଣଶୀଳତା, ହସ୍ତକଳା, ଚିତ୍ରକଳା କରାଯାଇଥିଲା। ଉଦଯାପନୀ ଅଧିବେଶନରେ ଶେଷଦେବ ନାଏକ, ବବୃବାହନ ମିଶ୍ରଙ୍କ ପରିଚାଳନାରେ ବିଶିଷ୍ଟ ମାତୃଭକ୍ତ , ସଂଗଠକ ସୁବାସ କର, ସୁରେନ୍ଦ୍ର ବେହେରା ଯୋଗ ଦେଇ ଦିବ୍ୟ ଜନନୀ ବିଷୟ ଉପରେ ଆଲୋଚନା କରିଥିଲେ।
Comments are closed.