କୋଚିନ : କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଲୋକସଭା ନିର୍ବାଚନ ପାଇଁ ଭୋଟରଙ୍କୁ ଆଉ ଏକ ବଡ ପ୍ରତିଶ୍ରୁତି ଦେଇଛନ୍ତି। ମଙ୍ଗଳବାର ରାହୁଲ କହିଛନ୍ତି ଯେ କଂଗ୍ରେସ ଯଦି ଆଗାମୀ ନିର୍ବାଚନରେ କ୍ଷମତାକୁ ଫେରିବ; ତେବେ ମହିଳା ସଂରକ୍ଷଣ ବିଧେୟକକୁ ଗୃହୀତ କରାଯିବ। ରାଜ୍ୟ ବିଧାନସଭା ଓ ସଂସଦରେ ମହିଳାଙ୍କ ପାଇଁ ୩୩% ଆସନ ସଂରକ୍ଷଣକୁ ଆସିଥିବା ବିଧେୟକ ଲୋକସଭାର ଅନୁମୋଦନ ଅପେକ୍ଷାରେ ୮ବର୍ଷ ହେଲା ପଡିରହିଛି। କୋଚିନରେ ଏକ ରାଲିକୁ ସମ୍ବୋଧନ କରି ରାହୁଲ କହିଛନ୍ତି ଯେ ୨୦୧୯ ସାଧାରଣ ନିର୍ବାଚନରେ କଂଗ୍ରେସ କ୍ଷମତାକୁ ଆସିଲେ ଏହି ମହିଳା ସଂରକ୍ଷଣ ବିଧେୟକକୁ ପ୍ରଥମେ ଗୃହୀତ କରାଯିବ। ଲୋକସଭା ନିର୍ବାଚନରେ ଅଧିକ ମହିଳା ପ୍ରାର୍ଥୀ ଦେବା ନେଇ କଂଗ୍ରେସର ଜଣେ କର୍ମୀ ପ୍ରସ୍ତାବ ଦେଇଥିବାବେଳେ ଏହାର ଉତ୍ତରରେ ରାହୁଲ ଏହି ପ୍ରତିଶ୍ରୁତି ଦେଇଛନ୍ତି। ମହିଳା ସଂରକ୍ଷଣ ବିଧେୟକ ବା ୧୦୮ ସମ୍ବିଧାନ ସଂଶୋଧନ ବିଧେୟକ ୨୦୧୦ରେ ରାଜ୍ୟସଭାରେ ଗୃହୀତ ହୋଇସାରିଛି। ତେବେ ଏହା ଲୋକସଭାର ଅନୁମୋଦନ ଅପେକ୍ଷାରେ ୮ବର୍ଷ ହେଲା ପଡିରହିଛି। ଏହି ବିଧେୟକକୁ ଗୃହୀତ କରାଇବା ଲାଗି ୨୦୧୮ରେ ରାହୁଲ ପ୍ରଧାନମନ୍ତ୍ରୀଙ୍କୁ ପତ୍ର ଲେଖିଥିଲେ। ଲୋକସଭା ନିର୍ବାଚନ ପାଇଁ ରାହୁଲ ତାଙ୍କ ପ୍ରଥମ ପ୍ରତିଶ୍ରୁତିରେ ଗରିବଙ୍କୁ ନିଶ୍ଚିତ ରୋଜଗାର ସୁବିଧା ଯୋଗାଇ ଦେବାକୁ କହିଛନ୍ତି।
ରାହୁଲଙ୍କ ଆଉ ଏକ ନିର୍ବାଚନ ପ୍ରତିଶ୍ରୁତି: ଗୃହୀତ କରାଯିବ ମହିଳା ସଂରକ୍ଷଣ ବିଧେୟକ
Popular Categories
Previous article
Next article