ପଞ୍ଜାବ ସ୍ୱର୍ଣ୍ଣ ମନ୍ଦିର ନିକଟରେ ବିସ୍ଫୋରଣ: ଅଭିଯୁକ୍ତ ସାହିବ ସିଂ, ହରଜିତ୍ ସିଂ ଏବଂ ଧର୍ମେନ୍ଦ୍ର ସିଂଙ୍କ ସହ ୫ ଗିରଫ
ଅମୃତସର- ପଞ୍ଜାବର ଅମୃତସରରେ ପ୍ରସିଦ୍ଧ ସ୍ୱର୍ଣ୍ଣ ମନ୍ଦିର ନିକଟରେ ଅଳ୍ପ ଦିନ ବ୍ୟବଧାନରେ ତିନୋଟି ବିସ୍ଫୋରଣ କରାଯାଇଥିଲା । ଏହି ଘଟଣାରେ ସାମିଲ ୫ ଜଣଙ୍କୁ ପୁଲିସ ଗିରଫ କରିଛି । ସାହିବ ସିଂ, ହରଜିତ୍ ସିଂ ଧର୍ମେନ୍ଦ୍ର ସିଂ ,ଆଜାଦଭୀର ସିଂ ଏବଂ ଅମରୀକ୍ ସିଂ ନାମକ ଅଭିଯୁକ୍ତଙ୍କୁ ପୁଲିସ ଏହି ବିସ୍ଫୋରଣ ଘଟଣାରେ ଗିରଫ କରିଛି । ଏହା ସହ ସେମାନଙ୍କ ନିକଟରୁ ବିସ୍ଫୋରକ ଜବତ କରାଯାଇଥିବା ପଞ୍ଜାବ ଡିଜିପି ଗୌରବ ଯାଦବ ସୂଚନା ଦେଇଛନ୍ତି । ଏହି ଅଭିଯୁକ୍ତମାନେ ବିସ୍ଫୋରକ ସହ ଏକ କେଜି ବାଣ ତିଆରି ପାଇଁ ବ୍ୟବହୃତ ବାରୁଦ ସାହାଯ୍ୟରେ ବିସ୍ଫୋରଣ କରିଥିଲେ ।
ଏହା ପୂର୍ବରୁ ପୁଲିସ ପକ୍ଷରୁ ଅଭିଯୁକ୍ତମାନଙ୍କର ସିସିଟିଭି ଫୁଟେଜ୍ ଏବଂ ଫଟୋ ଜାରି କରାଯାଇଥିଲା . ଏମାନେ ବିସ୍ଫୋରକ ରଖିବା ପରେ ସ୍ୱର୍ଣ୍ଣ ମନ୍ଦିର ନିକଟରୁ ଚାଲିଯାଉଥିବା ଦେଖିବା ପାଇଁ ମିଳିଥିଲା । ବୁଧବାର ରାତିରେ ଏହି ସ୍ଥାନରେ ଜୋରଦାର ବିସ୍ଫୋରଣ ହୋଇଥିଲା । ଏହା ସହ ଗୁରୁବାରରେ ମଧ୍ୟ ଛୋଟ ବିସ୍ଫୋରଣ ହୋଇଥିଲା । ହରମନ୍ଦିର ସାହିବଙ୍କ ନିକଟରେ ଥିବା ହେରିଟେଜ୍ ଷ୍ଟ୍ରୀଟ୍ ନିକଟରେ ଜୋରଦାର ବିସ୍ଫୋରଣ ହୋଇଥିଲା । ଶାନ୍ତି ଭଙ୍ଗ କରିବା ପାଇଁ ଏମାନେ ବିସ୍ଫୋରଣ କରିଥିବା ପୁଲିସ ସୂଚନା ଦେଇଛି ।
ବିସ୍ଫୋରଣ ଶଦ୍ଦ ଶୁଣିବା ପରେ ସ୍ଥାନୀୟ ଦୋକାନୀମାନେ ପୁଲିସକୁ ସୂଚନା ଦେଇଥିଲେ । ପୁଲିସ ଅଧିକାରୀ ତୁରନ୍ତ ଘଟଣାସ୍ଥଳରେ ପହଞ୍ଚି ଏହାର ତଦନ୍ତ ଆରମ୍ଭ କରିଥିଲେ । ପ୍ରଥମେ ନବବିହିତ ଜୋଡାଙ୍କୁ ପିଲିସ ଗିରଫ କରିଥିଲେ । ସେମାନେ ବିସ୍ଫୋରଣ ବିଷୟରେ ସବୁକଥା ମାନି ନେଇଥିଲେ । ତାଙ୍କରି ସୂଚନା ଆଧାରରେ ଅନ୍ୟ ୫ ଜଣଙ୍କୁ ଗିରଫ କରାଯାଇଛି । ସେମାନଙ୍କ ନିକଟରୁ ଆହୁରି ବିସ୍ଫୋରକ ଜବତ କରାଯାଇଛି । ଶ୍ରୀ ହରମନ୍ଦିର ସାହିବଙ୍କ ନିକଟରେ ମଧ୍ୟରାତ୍ରୀରେ ବିସ୍ଫୋରଣ ହୋଇଥିଲା । ଏକ ଘଣ୍ଟା ୪୫ ମିନିଟ୍ ପରେ ଦ୍ୱିତୀୟ ବିସ୍ଫୋରଣ ହୋଇଥିଲା । ପରୋ ଗୁରୁବାରରେ ତୃତୀୟ ବିସ୍ଫୋରଣ ହୋଇଥିଲା ।
Comments are closed.