ନୂଆଦିଲ୍ଲୀ : ଆଇଆଇଟି ଭୁବନେଶ୍ୱର ବୋର୍ଡ଼ ଅଫ ଗଭର୍ଣ୍ଣର ସଦସ୍ୟ ଭାବେ ପୂର୍ବତନ ପ୍ରଶାସକ ପ୍ରଶାନ୍ତ କୁମାର ସ୍ୱାଇଁ ମନୋନୀତ ହୋଇଛନ୍ତି । ଭାରତୀୟ ଡାକ ବିଭାଗ ଏବଂ କେନ୍ଦ୍ର କୃଷି ମନ୍ତ୍ରାଳୟର ବିଭିନ୍ନ ପଦରେ କାର୍ୟ୍ୟ କରି ନିକଟରେ ଅତିରିକ୍ତ ସଚିବ ପଦରୁ ଅବସର ଗ୍ରହଣ କରିଥିଲେ ।
କୃଷି ଓ କୃଷକ କଲ୍ୟାଣ ମନ୍ତ୍ରାଳୟରେ ଯୁଗ୍ମ ସଚିବ ଭାବେ କୃଷି ଉତ୍ପାଦ ବଜାର ସଂସ୍କାର କ୍ଷେତ୍ରରେ ତାଙ୍କର ଉଲ୍ଲେଖନୀୟ ଅବଦାନ ରହିଥିଲା । ବିଶ୍ୱର ସର୍ବବୃହତ ଇଲୋକ୍ଟ୍ରୋନିକ କୃଷି ବଜାର ପ୍ଲାଟଫର୍ମ ଇ-ନାମ ଆରମ୍ଭ କ୍ଷେତ୍ରରେ ଅଗ୍ରଣୀ ଭୂମିକା ରହିଥିଲା । ସେହିପରି ତାଙ୍କ ଉଦ୍ୟମରେ ଦେଶରେ ୧୦ ହଜାର କୃଷି ଉତ୍ପାଦକ ସଂଘ (ଏଫପିଓ) ଗଠନ ହୋଇଥିଲା । ଶିମିଳିପାଳ ଜୈବ ବିବିଧତା ଅଞ୍ଚଳରେ ବଣ୍ୟଜନ୍ତୁ-ମଣିଷ ଲଢେଇକୁ ହ୍ରାସ ପାଇଁ ସେ ସବୁଜ କୃଷି ପ୍ରକଳ୍ପ ଆରମ୍ଭ କରିଥିଲେ । ଶ୍ରୀ ସ୍ୱାଇଁ ଓଡିଶା ବିଦ୍ୟୁତ ନିୟମକ ଆୟୋଗର ପୂର୍ବତନ ଅଧ୍ୟକ୍ଷ ସ୍ବର୍ଗତ ଶରତ ଚନ୍ଦ୍ର ମହାଳିକ ଏବଂ ବିଶିଷ୍ଟ ନୃତ୍ୟଙ୍ଗନା ଗୀତା ମହାଳିକଙ୍କ ଜାମାତା ଅଟନ୍ତି ।
Comments are closed.