ନୀଳଗିରି : ବାଲେଶ୍ୱର ଜିଲା ଅଧୀନ ନୀଳଗିରି ଉପଖଣ୍ଡର ଆଖ ପାଖ ଅଞ୍ଚଳରେ ଲୁଟପାଟ କରୁଥିବା ୬ ଜଣ ଯୁବକକୁ ସୋମବାର ନୀଳଗିରି ପୁଲିସ ଗିରଫ କରିବାରେ ସଫଳ ହୋଇଛି। ଜଣେ ଲୁଟେରେକୁ କାବୁ କରିବା ପରେ ଏହି ଗ୍ୟାଙ୍ଗ ଧରା ପଡିଥିଲା ବୋଲି ଏକ ସାମ୍ବାଦିକ ସମ୍ମିଳନୀରେ ଏସଡିପିଓ ସୁଦାମ ସାହୁ ଓ ଆଇଆଇସି ନଳିତା ମୋଦି କହିଛନ୍ତି ।
ସୂଚନା ଆନୁଯାୟୀ, ଏହି ଲୁଟିଆ ମାନେ କ୍ରମାଗତ ଭାବେ ନୀଳଗିରି ସମେତ ବାଲେଶ୍ୱର ଜିଲ୍ଲା ର ବିଭିନ୍ନ ସ୍ଥାନରେ ଲୁଟପାଟ କରି ଆସୁଥିଲେ । ସେମାନଙ୍କୁ ପୁଲିସ ସୋମବାର ଗିରଫ କରିବା ସହ ୪ବାଇକ, ୩ ମାରଣାସ୍ତ୍ର, ୭ଟି ମୋବାଇଲ ସହ ନଗଦ ୨୧୬୩୦ଟଙ୍କା ଜବତ କରିଛି । ଗିରଫ ଯୁବକମାନେ ହେଲେ ଖନ୍ତାପଡା ଥାନା ବିରୁଆଁ ଗ୍ରାମର ନରେନ୍ଦ୍ର ନାୟକ ଓ ସରୋଜ ମହାଳିକ ଓ ରେମୁଣା ଥାନା ଅଧିନ ହର୍ଷପୁରା ଗ୍ରାମର ସରୋଜ କୁମାର ଦାସ ଓ ଗୌତମ ଦାସ, ଚାନ୍ଦିପୁର ଥାନା ଅଧିନ ଗବଗାଁ ଗ୍ରାମର ଶୁଭେନ୍ଦୁ ଦାସ ଏବଂ ପାଞ୍ଜିବାଗ ଗ୍ରାମର ନିଶିକାନ୍ତ ଭୂୟାଁ ।
Comments are closed.