ପିପିଲି : ପୁରୀ ଜିଲା ସଁପୁର ପଞ୍ଚାୟତର ଜୁଣୁପଡିଆ ଗ୍ରାମର କାଶୀନାଥ ବରାଳ ଓ ଶରତ ବରାଳଙ୍କ ୫ଟି ଫଳନ୍ତି ନଡିଆଗଛ ଗୁରୁବାର ବଜ୍ରାଘାତରେ ଜଳିଯାଇଥିବା ସୂଚନା ମିଳିଛି। ବଜ୍ରାଘାତରେ ନଡିଆଗଛ ଗୁଡିକ ହୁତୁହୁତୁ ହୋଇ ଜଳୁଥିବା ଦେଖି ଲୋକମାନେ ଛାନିଆ ହୋଇପଡିଥିଲେ। ଖବର ପାଇ ପିପିଲିରୁ ଦମକଳବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା। ବଜ୍ରପାତ ଯୋଗୁଁ ପିପିଲି ଅଞ୍ଚଳରେ ବିଦ୍ୟୁତ ସରବରାହରେ ବ୍ୟାଘାତ ସୃଷ୍ଟି ହୋଇଥିଲା। ଅଳ୍ପସମୟ ପାଇଁ ଖୁବ୍ ଜୋରରେ ବର୍ଷା ହୋଇଥିବା ବେଳେ ଏଥି ଯୋଗୁଁ ମୁଗ, ବିରି ଓ ପନିପରିବା ଚାଷ କ୍ଷତିଗ୍ରସ୍ତ ହେବାର ଯଥେଷ୍ଟ ସମ୍ଭାବନା ରହିଥିବା ସମ୍ପର୍କରେ ଖଣ୍ଡିଆଗିରୀ ଗ୍ରାମର ଚାଷୀ ରବିନ୍ଦ୍ର ପ୍ରଧାନ, ଅନନ୍ତ ପ୍ରଧାନ, ବ୍ରଜକିଶୋର ପ୍ରଧାନ ପ୍ରମୁଖ ପ୍ରକାଶ କରିଛନ୍ତି।
Comments are closed.