ଫୁଲବାଣୀ: ବଜ୍ରପାତରେ ଗୋଟିଏ ପରିବାରର ୫ଜଣ ସଦସ୍ୟ ଆହତ ହୋଇଛନ୍ତି।ଏମିତି ଏକ ଘଟଣା ଦେଖିବାକୁ ମିଳିଛି କନ୍ଧମାଳ ଜିଲା ଫିରିଙ୍ଗିଆ ବ୍ଲକ ରତଙ୍ଗ ପଞ୍ଚାୟତର ସେସ୍କାଯୋଡି ଗାଁରେ।
ସୂଚନା ଅନୁସାରେ ଏହି ସେସ୍କାଯୋଡି ଗାଁର ଧରଣୀଧର ଦିଗାଲଙ୍କ ଘରଉପରେ ଗୁରୁବାର ବିଳମ୍ବିତ ରାତିରେ ବଜ୍ରପାତ ହୋଇଥିଲା। ଏହି ସମୟରେ ପରିବାରର ୭ଜଣ ସଦସ୍ୟ ମଧ୍ୟରୁ ୫ଜଣ ସଦସ୍ୟ ଘରଭିତରେ ଥିଲେ। ଵଜ୍ରପାତ ରେ ସମସ୍ତେ ଆହତ ହୋଇଥିବା ବେଳେ ସେମାନଙ୍କୁ ଫିରିଙ୍ଗିଆ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। ଧରଣୀଧରଙ୍କ ସହ ପଙ୍କଜିନୀ ଓ ଝିଅ ଉଷାରାଣି ଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ଚିକିତ୍ସା ପାଇଁ ଫୁଲବାଣୀ ଜିଲ୍ଲା ମୁଖ୍ୟଚିକିତ୍ସାଳୟ କୁ ସ୍ଥାନାନ୍ତର କରାଯାଇଥିବା ସୂଚନା ମିଳିଛି ।
Comments are closed.