ଦୁବାଇ : ରବିବାର ଏସିଆ କପ୍ରେ ହେବାକୁ ଥିବା ଚିରପ୍ରତିଦ୍ୱନ୍ଦୀ ଭାରତ-ପାକିସ୍ତାନ କ୍ରିକେଟ ମ୍ୟାଚରେ ପାକିସ୍ତାନ ଟଚ୍ ଜିତିଛି। ପାକିସ୍ତାନ ଟଚ୍ ଜିତିବାପରେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛି। ସେହିପରି ଭାରତୀୟ କ୍ରିକେଟ ଦଳ ବୋଲିଂ କରିବ। ଏହି ମ୍ୟାଚରେ ପାକିସ୍ତାନର ଦୁଇ ଜଣ ଖେଳାଳିଙ୍କୁ ବଦଳି କରାଯାଇଛି। ଗତ ୧୯ ତାରିଖରେ ଭାରତ ପାକିସ୍ତାନକୁ ଅତି ସହଜରେ ପରାସ୍ତ କରିଥିଲା। ତେଣୁ ପାକିସ୍ତାନ ଏହାର ପ୍ରତିଶୋଧ ନେବାକୁ ଚେଷ୍ଟା କରିବ। ଏହାର ପୂର୍ବ ମ୍ୟାଚରେ ପାକିସ୍ତାନ ଆଫଗାନିସ୍ତାନକୁ ହରାଇଥିବାରୁ ଏହା ଦଳ ମଧ୍ୟରେ ଆତ୍ମବିଶ୍ୱାସ ବଢାଇପାରେ।
