ଆଠଗଡ: ଆଠଗଡ ବିଜୁ ଯୁବ ଓ ଛାତ୍ରଜନତା ଦଳ ପକ୍ଷରୁ ଶୁକ୍ରବାର ଆଠଗଡ ଲକ୍ଷ୍ମୀବଜାରଠାରେ ପଣାସଂକ୍ରାନ୍ତି ଓ ଓଡିଆ ନବବର୍ଷ ପାଳନ କରାଯାଇଛି । ଏନଏସି ଯୁବ ବିଜେଡି ସଭାପତି ଶିବଶଙ୍କର ଜେନାଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ନଗରପାଳ ସସ୍ମିତା ରାଉତ, ସମ୍ମାନିତ ଅତିଥି ଭାବେ ଉପନଗରପାଳ ବି. ଶୁଭ୍ରଶଙ୍କର ଜ୍ୟୋତି, ପୂର୍ବତନ ନଗରପାଳ ସୁବର୍ଣ୍ଣ ମଞ୍ଜରୀ ଭଞ୍ଜ ଓ ଜିଲ୍ଲା ବିଜେଡି ସଂପାଦକ ପ୍ରଦୀପ୍ତ କୁମାର ଦାସ ପ୍ରମୁଖ ଯୋଗଦେଇ ଓଡିଆ ନବବର୍ଷ ପାଳନର ବିଭିନ୍ନ ଐତିହାସିକ ଓ ପୌରାଣିକ ତଥ୍ୟ ଉପସ୍ଥାପନ କରିଥିଲେ । ଏହା ଓଡିଆ ଜାତି ପାଇଁ ଏକ ଗୌରବମୟ ଦିବସ ବୋଲି ଅତିଥିମାନେ କହିବା ସହ ଏହି ଦିନରେ ନୂତନ ପାଞ୍ଜି ପ୍ରଚଳିତ ହୋଇଥାଏ ବୋଲି ପ୍ରକାଶ କରିଥିଲେ। ଏହି ଅବସରରେ ସେଠାରେ ଶହ ଶହ ଲୋକଙ୍କ ପାଇଁ ପଣା ବଣ୍ଟନ କରାଯାଇଥିଲା । ଏହି କାର୍ଯ୍ୟକ୍ରମରେ ବିଭିନ୍ନ ୱାର୍ଡର ବହୁ କାଉନସିଲରଙ୍କ ସମେତ ଯୁବନେତା ପ୍ରକାଶ ରାଉତ, ଦୀପକ ମହାନ୍ତି, ରାକେଶ ଦାସ, ସୁଧାଂଶୁ ଶେଖର ଦଳାଇ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଏନଏସି ଛାତ୍ର ବିଜେଡି ସଭାପତି ମହମ୍ମଦ ଖଲିଦ ଧନ୍ୟବାଦ ଅର୍ପଣ କରିଥିଲେ।
Comments are closed.