କଟକ: ଭାରତୀୟ ରୋଲର ସ୍କେଟିଙ୍ଗ ମହାସଂଘ ପକ୍ଷରୁ ଗ୍ରେଟର ନୋଇଡାରେ ଅନୁଷ୍ଠିତ ୨ୟ ଓପନ ଜାତୀୟ ରାଙ୍କିଙ୍ଗ ରୋଲର ସ୍କେଟିଙ୍ଗ ଚମ୍ପିଆନ୍ସିପ୍ରେ ଓଡ଼ିଆ ଝିଅ ବିଭାଂଶୀ ପାଣିଗ୍ରାହୀ ରୌପ୍ୟ ପଦକ ଜିତିଛନ୍ତି। ଏହି ପ୍ରତିଯୋଗିତାରେ ବିଭାଂଶୀ ୨ୟ ସ୍ଥାନ ଅଧିକାର କରି ପଦକ ହାସଲ କରିଛନ୍ତି। ବିଭାଂଶୀ ସିଡିଏ ସେକ୍ଟର-୬ ସ୍ଥିତ ଡିଏଭି ପବ୍ଲିକ୍ ସ୍କୁଲର ୫ମ ଶ୍ରେଣୀ ଛାତ୍ରୀ। ଜୁନ ୨୮ ରୁ ୩୦ ପର୍ଯ୍ୟନ୍ତ ଏହି ପ୍ରତିଯୋଗିତା ଅନୁଷ୍ଠିତ ହୋଇଥିଲା। ପୂର୍ବରୁ ବିଭାଂଶୀ ଜିଲା ଓ ରାଜ୍ୟସ୍ତରରେ ଅନୁଷ୍ଠିତ ସ୍କେଟିଙ୍ଗ ପ୍ରତଯୋଗିତାରେ ଅଂଶଗ୍ରହଣ କରି କୃତିତ୍ୱ ହାସଲ କରିବା ସହ ବହୁ ପଦକ ମଧ୍ୟ ଲାଭ କରିଛନ୍ତି। ବିଭାଂଶୀ ସିଡିଏ ସେକ୍ଟର-୬ର ଅଧିବାସୀ ବାଇବଶ୍ୱତ ଓ ଅଭିପ୍ସା ପାଣିଗ୍ରାହୀ ଙ୍କ ଝିଅ ଓ ଜଷ୍ଟିସ ବାସୁଦେବ ପାଣିଗ୍ରାହୀଙ୍କ ନାତୁଣୀ।
Comments are closed.