ଗୁରୁଡିଝାଟିଆ: ଖୁଣ୍ଟୁଣୀ ପୁଲିସ ଥାନା ସମ୍ମୁଖରେ ଗଣ୍ଡଗୋଳ ଘଟଣାରେ ପୁଲିସ ଘଣ୍ଟିଖାଲର ଗଣେଶ ଦାସ ଓ ମେଘାର ଅଜୁ ପାତ୍ରକୁ ଗିରଫ କରିଅଛି। ଏହି ଗଣ୍ଡଗୋଳ ଘଟଣାରେ ପୁଲିସ ମୋଟ ୩ଜଣଙ୍କୁ କିରଫ କରିଛି। ଗତକାଲି ବିଜେଡିର ଆଗଧାଡିର କର୍ମୀ ରଞ୍ଜନ ଜେନାଙ୍କୁ ଗିରଫ କରିଥିବା ବେଳେ ଆଜି ଗଣେଶ ଓ ଅଜୁକୁ ଗିରଫ କରିଛି।
ପ୍ରକାଶଯୋଗ୍ୟ ଗତ ୩ ଦିନ ତଳେ ଖୁଣ୍ଟୁଣୀ ଥାନା ପାଖରେ ହିନ୍ଦ ମଜଦୂର ସଂଘ ଓ ଆରତୀ ଷ୍ଟିଲ ଆଣ୍ଡ ପାୱାର ମଜଦୂର ୟୁନିୟନ କର୍ମକର୍ତ୍ତାମାନେ ଆରତୀ କାରଖାନା ବିରୋଧରେ ପ୍ରତିବାଦ ସଭା ଓ ନାରାବାଜି ଦେଉଥିବା ବେଳେ ଏକ ନିର୍ଦ୍ଧିଷ୍ଟଦଳର କିଛି କର୍ମୀ ହାତରେ ପତାକା ଧରି ସେଠାକୁ ପଶିଯାଇଥିଲେ। ଫଳରେ ଧସ୍ତାଧସ୍ତି,ଠେଲାପେଲା ଓ ମାରଧର ହୋଇଥିଲେ।
ଯାହା ଫଳରେ କି ୫୫ ନଂ ଜାତୀୟ ରାଜପଥ କିଛି ସମୟ ପାଇଁ ରଣକ୍ଷେତ୍ରରେ ପରିଣତ ହୋଇଥିଲା। ଏ ନେଇ ଥାନାରେ ୩ଟି ଅଭିଯୋଗ ରୁଜୁ ହୋଇଥିଲା। ଏହାକୁ ଭିତ୍ତି କରି ପୁଲିସ ଗତକାଲି ଆଗଧାଡିର ବିଜେଡି କର୍ମୀ ରଞ୍ଜନକୁ ଗିରଫ କରିଥିବା ବେଳେ ଆଜି ଗଣେଶ ଓ ଅଜୁକୁ ଗିରଫ କରିଅଛି।
Comments are closed.