ସମ୍ବଲପୁର: ଭାରତୀୟ ରେଳବାଇ ସୁରକ୍ଷା ବଳ (ଆରପିଏଫ) ତରଫରୁ ମହିଳା ଙ୍କ ସୁରକ୍ଷା ନିମନ୍ତେ ‘ଅପରେସନ ମହିଳା ସୁରକ୍ଷା’ ସାରା ଦେଶରେ ଚଳାଯାଉଛି। ଏହି କ୍ରମରେ ସମ୍ବଲପୁର ଷ୍ଟେସନ ଠାରେ ଆରପିଏଫ ଦଳ ଗସ୍ତ କରୁଥିବା ବେଳେ ଜଣେ ୩୬ ବର୍ଷିୟ ମହିଳାଙ୍କୁ ସନ୍ଦିଗ୍ଧ ଭାବରେ ବୁଲୁଥିବାର ଦେଖି ଗତ ୨୯ ତାରିଖରେ ଉଦ୍ଧାର କରିଥିଲେ। ଏଣୁ ମହିଳାଙ୍କୁ ପଚରାଉଚୁରା କରିବା ସହିତ ତାଙ୍କର ସ୍ୱାମୀଙ୍କ ସହିତ ଯୋଗାଯୋଗ କରାଯାଇଥିଲା। ତାଙ୍କର ସ୍ୱାମୀ ଗତକାଲି ସମ୍ବଲପୁର ରେଳବାଇ ସୁରକ୍ଷା ବଳ ଥାନାକୁ ଆସି ଆଇନ ଅନୁଯାୟୀ ପ୍ରକ୍ରିୟା ପୂରଣ ପରେ ମହିଳାଙ୍କୁ ହସ୍ତାନ୍ତରିତ କରାଯାଇଥିଲା। ସୂଚନାଯୋଗ୍ୟ ଯେ, ବିଗତ କିଛି ଦିନ ମଧ୍ୟରେ ଜଣେ ନାବାଳିକାଙ୍କ ସମେତ ୩ ଜଣଙ୍କୁ ଆରପିଏଫ ପକ୍ଷରୁ ଉଦ୍ଧାର କରାଯାଇଛି।
Comments are closed.