ମଶା ଏକ କ୍ଷୁଦ୍ର ଜୀବ ହେଲେ ମଧ୍ୟ ଜୀବଜନ୍ତୁଙ୍କ ଠାରୁ ଆରମ୍ଭ କରି ମଣିଷ ପର୍ଯ୍ୟନ୍ତ ସମସ୍ତଙ୍କୁ ସେ ନାକେଦମ୍ କରିଦେଇଥାଏ। ଅନେକ ସାଂଘାତିକ ରୋଗ ଏହି ମଶା ଦ୍ୱାରା ହିଁ ବ୍ୟାପିଥାଏ। ତେବେ ମଶାକୁ ଘଉଡ଼ାଇବା ପାଇଁ ବଜାରରେ ମିଳୁଥିବା ଅନେକ ଜିନିଷ ଆଣି ଆମେ ବ୍ୟବହାର କରିଥାଉ। କେତେବେଳେ ଏହା ସୁଫଳ ଦେଇଥାଏ ତ କେତେବେଳେ କୌଣସି ଲାଭ ମିଳି ନଥାଏ। ତେବେ ଏପରି କିଛି ଘରୋଇ ଉପାୟ ରହିଛି ଯାହାକୁ ଆପଣାଇବା ଦ୍ୱାରା ମଶା ପାଖ ପଶିବେ ନାହିଁ –
• ମଶାକୁ ଦୂରେଇବା ପାଇଁ ନିମ୍ବ ତେଲ ରାମ ବାଣ ଭଳି କାର୍ୟ୍ୟ କରିଥାଏ। ସେଥିପାଇଁ ନିମ୍ବ ଓ ନଡ଼ିଆ ତେଲକୁ ସମପରିମାଣରେ ମିଶାଇ ଦେହରେ ଲଗାନ୍ତୁ। ଦେଖିବେ ମଶା ଆଉ କାମୁଡ଼ିବେ ନାହିଁ।
• ଘରେ ବିଶାକ୍ତ ମଶା ଧୂପ ଲଗାଇବା ଅପେକ୍ଷା କର୍ପୂରର ବ୍ୟବହାର କରନ୍ତୁ। କର୍ପୂରକୁ ଚୂର୍ଣ୍ଣ କରି ମଶା ହେଉଥିବା ସ୍ଥାନରେ ରଖି ଦିଅନ୍ତୁ। ଏପରି କରିବାଦ୍ୱାରା ମଶା ଦୂର ହେବାସହ ସ୍ୱାସ୍ଥ୍ୟରେ କୌଣସି କୁପ୍ରଭାବ ପଡ଼ିନଥାଏ।
• ଏହାଛଡ଼ା ସମପରିମାଣର ଲେମ୍ବୁ ଓ ନୀଳଗିରି ତେଲକୁ ମିଶାଇ ଶରୀରରେ ମାଲିସ୍ କରନ୍ତୁ। ଏହାର ବାସ୍ନାରେ ମଶାମାନେ ପାଖ ମାଡ଼ନ୍ତି ନାହିଁ।
• ତୁଳସୀ ପତ୍ରରେ ବହୁତ ଔଷଧୀୟ ଗୁଣ ଭରପୂର ହୋଇ ରହିଥାଏ। ତୁଳସୀ ଗଛକୁ ଘରର ଆଖ ପାଖରେ ଲଗାଇବା ଦ୍ୱାରା ଘରେ ଆଉ ମଶା ପଶନ୍ତି ନାହିଁ। ଏହାଛଡ଼ା ଆପଣ ତୁଳସୀ ଗଛ ବଦଳରେ ଲେମ୍ବୁ କିମ୍ବା ଗେଣ୍ଡୁ ଗଛର ମଧ୍ୟ ବ୍ୟବହାର କରି ପାରିବେ।
• ରସୁଣ ବାସ୍ନାରେ ମଧ୍ୟ ମଶାମାନେ ପାଖ ମାଡ଼ନ୍ତି ନାହିଁ। ସେଥିପାଇଁ ପ୍ରଥମେ ରସୁଣକୁ ବାଟି ନିଅନ୍ତୁ। ଏହାପରେ ରସୁଣ ବଟାକୁ ଅଳ୍ପ ପାଣିରେ ଫୁଟାଇ ଘର ଚାରିପଟେ ଛିଞ୍ଚି ଦିଅନ୍ତୁ। ଏପରି କରିବା ଦ୍ୱାରା ମଶା ଘରେ ପଶିବେ ନାହିଁ।
