ମହାରାଷ୍ଟ୍ର: ପୁଣେରେ ଜିକା ଭାଇରସରେ ୬ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଏହି ଭାଇରସ୍ ସଂକ୍ରମଣରେ ଦୁଇ ଜଣ ଗର୍ଭବତୀ ମହିଳା ରହିଥିବା ସୂଚନା ମିଳିଛି । ସ୍ୱାସ୍ଥ୍ୟ ଅଧିକାରୀଙ୍କ ସୂଚନା ଅନୁସାରେ ପୁଣେର ଏରଣ୍ଡୱାନେ ଅଞ୍ଚଳର ୨୮ବର୍ଷ ବୟସ୍କା ଗର୍ଭବତୀ ମହିଳାଙ୍କଠାରେ ଜିକା ଭାଇରସ୍ ସଂକ୍ରମଣ ଚିହ୍ନଟ ହୋଇଛି । ଶୁକ୍ରବାର ଦିନ ତାଙ୍କ ରିପୋର୍ଟ ପଜିଟିଭ ଆସିଥିଲା । ଅନ୍ୟ ଜଣେ ମଧ୍ୟ ସଂକ୍ରମିତ ଚିହ୍ନଟ ହୋଇଛନ୍ତି । ମହିଳା ଜଣଙ୍କ ୧୨ ସପ୍ତାହ ହେବ ଗର୍ଭବତୀ ଥିବା ଜଣାପଡିଛି । ଅଧିକାରୀ କହିଛନ୍ତି ଯେ ଉଭୟ ମହିଳାଙ୍କ ସ୍ୱାସ୍ଥ୍ୟବସ୍ଥା ସ୍ଥିର ରହିଛି ଏବଂ ସେମାନଙ୍କ ଠାରେ କୌଣସି ଲକ୍ଷଣ ଦେଖାଯାଇନଥିଲା । ଜିକା ଭାଇରସ ଗର୍ଭବତୀ ମହିଳାଙ୍କ ପାଇଁ ଅଧିକ ବିପଦ ରହିଥିବା କୁହାଯାଉଛି । କାରଣ ଏହାର ପ୍ରଭାବ ଶିଶୁ ଉପରେ ପଡିଥାଏ । ଯେଉଁଥିରେ ମସ୍ତିଷ୍କର ଅସ୍ୱାଭାବିକ ବିକାଶ ହେତୁ ମୁଣ୍ଡ ବହୁତ ଛୋଟ ହୋଇଯାଏ । ଯାହା ପିଲାଙ୍କ ପାଇଁ ବିପଦ ସୃଷ୍ଟି କରିପାରେ ।
Popular Categories
Previous article
Next article