ନୂଆଦିଲ୍ଲୀ : ଏକ ଜନସ୍ବାର୍ଥ ମାମଲାର ଶୁଣାଣି କରି ଭିଡ଼ ହିଂସାର ଶିକାର ହୋଇଥିବା ମୃତକଙ୍କ ପରିବାରକୁ କ୍ଷତିପୂରଣ ପ୍ରଦାନ କରାଯିବା ପ୍ରସଙ୍ଗରେ କେନ୍ଦ୍ର ଓ ୬ ରାଜ୍ୟକୁ ନୋଟିସ୍ ଜାରି କରିଛନ୍ତି ସୁପ୍ରିମକୋର୍ଟ । କିଛି ବର୍ଷ ହେଲା ଦେଶର ଅନେକ ସ୍ଥାନରେ ଭିଡ଼ ଦେଖାଦେଇଛି। ଏପରକି ମାଡ଼ ମରାମରି ପର୍ଯ୍ୟନ୍ତ କଥାଯାଉଛି। ଏହି ମାମଲାରେ ତୁରନ୍ତ ୧୫୩ ଏ ଧାରାରେ ଏଫଆଇଆର୍ ରୁଜୁ କରିବା ସହିତ କ୍ଷତିପୂରଣ ଦେବାର ନୀତି ପ୍ରସ୍ତୁତ କରିବାକୁ ନିର୍ଦ୍ଦେଶ ଦେଇଛନ୍ତି ସୁପ୍ରିମକୋର୍ଟ । ଜଷ୍ଟିସ୍ ବିଆର୍ ଗବାଇ ଏବଂ ଜେବି ପରଦିୱାଲାଙ୍କ ଦୁଇ ଜଣିଆ ଖଣ୍ଡପୀଠ ଶୁଣାଣି କରିବା ସହ ୬ଟି ରାଜ୍ୟକୁ ନୋଟିସ୍ କରିଛନ୍ତି। ୬ ରାଜ୍ୟଗୁଡ଼ିକ ହେଲା ଓଡ଼ିଶା, ହରିୟାଣା, ମଧ୍ୟପ୍ରଦେଶ, ବିହାର, ରାଜସ୍ଥାନ, ମହାରାଷ୍ଟ୍ର ରହିଛି। ଏହି ୬ ରାଜ୍ୟର ଡିଜିପିଙ୍କୁ ନୋଟିସ୍ କରାଯାଇଥିବା ଜଣାପଡ଼ିଛି। ଜୁନ ୧୭ ତାରିଖରେ ଦୁଇ ଜଣଙ୍କୁ କିଛି ଲୋକ ନିସ୍ତୁକ ମାଡ଼ ମାରିବା ସହିତ ବାନ୍ଧି କରି ଚଲାଇ ଚଲାଇ ନେଇଥିଲେ ବୋଲି ଅଭିଯୋଗ ହୋଇଥିଲା। ଏକ ପିଆଇଏଲ୍ ଉପରେ ଶୁଣାଣି କରି ସର୍ବୋଚ୍ଚ ନ୍ୟାୟାଳୟ ଏହି ନିର୍ଦେଶ ଦେଇଛନ୍ତି ।
Popular Categories
Previous article
Next article