ପାଟଣା – ବିହାରରେ ବାହାଘର ବେଳେ ଶୂନ୍ୟକୁ ଗୁଳି ଫୁଟାଉଥିବା ବେଳେ ଏହା ଜଣଙ୍କର ଜୀବନ ନେଇଯାଇଛି । ପତିଆରା ଦେଖାଇବା ପାଇଁ ନିଜ ବାହାଘରରେ ବର ଶୂନ୍ୟକୁ ଗୁଳି ଫୁଟାଉଥିଲା । ସେ ଟ୍ରିଗର ଚିପିବା ପାଇଁ ଯାଉଥିବା ବେଳେ ଅଚାନକ ଗୁଳି ଫୁଟିଥିଲା । ଏଥିରେ ବରର ମାଆ ଗୁରୁତର ହୋଇଥିଲେ । ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା । ମାତ୍ର ସେଠାରେ ତାଙ୍କର ମୃତ୍ୟୁ ହୋଇଥିଲା । ଏହି ଘଟଣାରେ ପୁଲିସ ଅଭିଯୁକ୍ତ ବଜରଙ୍ଗୀ ସିଂକୁ ଗିରଫ କରିଛି । ସେ ବେଆଇନଭାବେ ରଖିଥିବା ବନ୍ଧୁକରୁ ଏହି ଗୁଳି ଫୁଟିଥିବା ପୁଲିସ କହିଛି ।
ଘଟଣାଟି ବିହାରର ଭୋଜପୁର ଜିଲ୍ଲାରେ ଘଟିଛି । ଏହି ଘଟଣାପରେ ଲୋକମାନେ ସେଠାରୁ ଦୌଡି ପଳାଇଥିଲେ । ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା । ଏଥିରେ ବିବାହ କରିବା ପାଇଁ ଯାଉଥିବା ବଜରଙ୍ଗୀ ସିଂ ଗୁଳି ଫୁଟାଇଥିବା ଘଟଣା ସାମ୍ନାକୁ ଆସିଥିଲା ।
ପୁଲିସ ଅଭିଯୁକ୍ତକୁ ଗିରଫ କରିବା ସହ ବନ୍ଧୁକକୁ ଜବତ କରିଛି ।
Comments are closed.