ସୁଆଣ୍ଡ: ପୁରୀ ଜ଼ିଲ୍ଲା ସତ୍ୟବାଦୀ ବ୍ଲକ ଆଦର୍ଶ ଗ୍ରାମ ନୂଆଗାଁ ଜୟଦୁର୍ଗା ଠାକୁରାଣୀ ମନ୍ଦିରରୁ ମୂର୍ତ୍ତି ଚୋରିକୁ ଦୁଇ ଦିନ ବିତି ଯାଇଥିଲେ ସୁଦ୍ଧା ଏପର୍ଯ୍ୟନ୍ତ ପୁଲିସ କୌଣସି କାର୍ଯ୍ୟାନୁଷ୍ଠାନ ନେଇ ନଥିବା ଅଭିଯୋଗ ହୋଇଛି। ଏହାକୁ ସ୍ଥାନୀୟ ବାସୀନ୍ଦାଙ୍କ ମନରେ ଅସନ୍ତୋଷ ଦେଖାଦେଇଛି।
ସୂଚନାଯୋଗ୍ୟ, ଶନିବାର ରାତିରେ ଠାକୁରାଣୀଙ୍କ ପାର୍ଶ୍ବରେ ଥିବା ଅଷ୍ଟଧାତୁରେ ନିର୍ମିତ ମୂର୍ତ୍ତି କେହି ଦୁର୍ବୃତ୍ତ ଚୋରି କରି ନେଇଥିଲା। ଏହା ସହ ଠାକୁରାଣୀଙ୍କ ସୁନା ଅଳଙ୍କାର ଓ ଅନ୍ୟାନ୍ୟ ଜିନିଷ ଚୋରି ହୋଇଥିବା ଅଭିଯୋଗ ହୋଇଥିଲା ।
