ହରଭଙ୍ଗା : ବୌଦ୍ଧ ଜିଲ୍ଲା ପୁରୁଣା କଟକ ଥାନା ଆଡେଣିଗଡ ବଦଲାସାହିରେ ବୁଧବାର ପୋଖରୀରେ ବୁଡ଼ି ଜଣେ ଛାତ୍ରଙ୍କ ମୃତ୍ୟୁ ହୋଇଥିବା ଜଣାପଡିଛି। ସୂଚନାନୁସାରେ ଆଜି ଅପରାହ୍ନରେ ବଦଲାସାହିର ଅଶୋକ ମାଝିଙ୍କ ପୁଅ ଅଭିନାଶ ମାଝି(୧୬) ଗାଧୋଇବା ପାଇଁ ସାଙ୍ଗ ମାନଙ୍କ ସହ ଗାଁ ପଖୋରୀକୁ ଯାଇଥିଲେ। ଗାଧୋଇବାସମୟରେ ଅସାବଧାନତା ହେତୁ ଅଭିନାଶ ପାଣିରେ ବୁଡ଼ି ଯାଇଥିଲେ। ସାଙ୍ଗ ମାନେ ଅଭିନାଶଙ୍କୁ ଉଦ୍ଧାର କରି ଆଡେଣିଗଡ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିବା ଜଣାପଡିଛି। ଆଡେଣିଗଡ ଫାଣ୍ଡି ପୁଲିସ ପହଞ୍ଚି ମୃତ ଦେହକୁ ଜବତ କରିବା ସହ ଶବ ବ୍ୟବଛଦ ପାଇଁ ବୌଦ୍ଧ ପଠାଇଥିବା ଫାଣ୍ଡି ଅଧିକାରୀ ବ୍ରହ୍ମାନନ୍ଦ ପ୍ରଧାନ ସୂଚନା ଦେଇଛନ୍ତି। ମୃତ ଛାତ୍ର ଜଣଙ୍କ ଚଳିତବର୍ଷ ମାଟ୍ରିକ ପରୀକ୍ଷା ଦେଇଥିବା ଜଣାପଡିଛି ।
Comments are closed.