ଡେସ୍କ: ମଣିପୁରର ସୀମାନ୍ତ ସହର ମୋରେହରେ ସନ୍ଦିଗ୍ଧ କୁକି ଆତଙ୍କବାଦୀ ଏବଂ ସୁରକ୍ଷା ବାହିନୀ ମଧ୍ୟରେ ଗୁଳି ବିନିମୟରେ ୫ ଜଣ ସୈନିକ ଆହତ ହୋଇଛନ୍ତି। ପୁଲିସ ରିପୋର୍ଟ ଅନୁଯାୟୀ ଆଜି ସକାଳ ଠାରୁ ମୋରେହର ବିଭିନ୍ନ ସ୍ଥାନରେ ଗୁଳି ବିନିମୟ ହୋଇଥିଲା। ଏଥିରେ ମଣିପୁର ପୁଲିସର ଜଣେ ସୁରକ୍ଷା କର୍ମୀ ଏବଂ ସୀମା ସୁରକ୍ଷା ବଳ ସୈନିକ ଆହତ ହୋଇଥିଲେ। ସେମାନଙ୍କୁ ଇମ୍ଫାଲର ଏକ ଡାକ୍ତରଖାନାରେ ଭର୍ତ୍ତି କରାଯାଇଛି।
ସୀମାନ୍ତ ସହର ମୋରେହ ଭାରତ-ମିଆଁମାର ଅନ୍ତର୍ଜାତୀୟ ସୀମା ନିକଟରେ ଅବସ୍ଥିତ ଏବଂ ସେଠାରେ କୁକି ସମ୍ପ୍ରଦାୟର ଜନସଂଖ୍ୟା ଅଧିକ। ଗତ ବର୍ଷ ମେ ମାସରେ ମଣିପୁରରେ ଆରମ୍ଭ ହୋଇଥିବା ସାମ୍ପ୍ରଦାୟିକ ହିଂସା ଦ୍ୱାରା ଏହି ଅଞ୍ଚଳ ପ୍ରଭାବିତ ହୋଇଛି।
ଇତି ମଧ୍ୟରେ ମଣିପୁର ମୁଖ୍ୟମନ୍ତ୍ରୀ ଏନ ବିରେନ ସିଂ ତାଙ୍କ କ୍ୟାବିନେଟ ସହକର୍ମୀଙ୍କ ସହ ଡାକ୍ତରଖାନା ପରିଦର୍ଶନ କରି ସୁରକ୍ଷା କର୍ମୀଙ୍କ ସ୍ୱାସ୍ଥ୍ୟ ବିଷୟରେ ପଚାରି ବୁଝିଥିଲେ। ପରେ ମୁଖ୍ୟମନ୍ତ୍ରୀ ଗଣମାଧ୍ୟମକୁ କହିଛନ୍ତି ଯେ ଏହା ପ୍ରମାଣିତ ହୋଇଛି ଯେ ଆତଙ୍କବାଦୀମାନେ ଅତ୍ୟାଧୁନିକ ଅସ୍ତ୍ର ବ୍ୟବହାର କରିଥିଲେ। ସେ କହିଛନ୍ତି ଯେ ଆତଙ୍କବାଦୀଙ୍କ ସହ କେନ୍ଦ୍ରୀୟ ଏବଂ ରାଜ୍ୟ ସୁରକ୍ଷା ବାହିନୀ ମିଳିତ ଭାବେ ଲଢେଇ କରିଛନ୍ତି।
Comments are closed.