ନୂଆଦିଲ୍ଲୀ : ଏମିତି ଅନେକ ଥର ହୋଇଥିବ ଆପଣ ଇଣ୍ଟରନେଟ୍ ବ୍ୟବହାର କରୁଥିବେ ଏବଂ ଅଚାନକ ଡାଟା ସରିଯିବ କିମ୍ବା ଓ୍ବାଇଫାଇ ସ୍ଲୋ ହୋଇଯିବ । ଏଭଳି କ୍ଷେତ୍ରରେ ସମସ୍ୟା ଦେଖାଯିବା ସ୍ବଭାବିକ । କିନ୍ତୁ ଏହି ସମୟରେ ଆପଣଙ୍କ କାମ ଅଟକିଯାଏ କିମ୍ବା କୌଣସି ଜରୁରି କାମ ଅଧା ରହିଯାଏ । ଏଭଳି ସମସ୍ୟାର ସମାଧାନ କରିବା ପାଇଁ ମିଶିଗନରେ ରହୁଥିବା ଜଣେ ଗ୍ରାମବାସୀ ନିଜର ଇଣ୍ଟରନେଟ୍ ସୁବିଧା ତିଆରି କରିଛନ୍ତି । ଖାଲି ସେତିକି ନୁହେଁ, ସରକାର ଏ ସମ୍ପର୍କରେ ଜାଣିବା ପରେ ତାଙ୍କୁ କୋଟି କୋଟି ଟଙ୍କାର ପୁରସ୍କାର ମଧ୍ୟ ଦେଇଛନ୍ତି ।
ଘଟଣାଟି ୨୦୨୨ର । ମିଶିଗନର ଗ୍ରାମାଞ୍ଚଳରେ ରହୁଥିବା ଜାର୍ଡ ମୌଚ ପ୍ରାଇଭେଟ୍ ଫାଇବର-ଇଣ୍ଟରନେଟ୍ ସେବା ପ୍ରସ୍ତୁତ କରି ଘରେ ଖରାପ ଇଣ୍ଟରନେଟର ସମସ୍ୟାର ସମାଧାନ କରିଥିଲେ । ସେ ଜଣେ ବରିଷ୍ଠ ନେଟଓ୍ବର୍କ ଆର୍କିଟେକ୍ଟ ଭାବେ କାମ କରନ୍ତି । ୨୦୦୨ରେ ସେ ନିଜ ଘରକୁ ଫେରିଗଲେ କିନ୍ତୁ ତାଙ୍କ ଅଞ୍ଚଳରେ ହାଇ ସ୍ପିଡ୍ ଇଣ୍ଟରନେଟ୍ ନଥିଲା । ଏହି କାରଣରୁ ତାଙ୍କୁ ଖରାପ ଇଣ୍ଟରନେଟ୍ ସେବା ମିଳୁଥିଲା । ଏହା ପରେ ସେ ଏକ କୋଟି ଟଙ୍କା ଖର୍ଚ୍ଚ କରି ପ୍ରାୟ ୪ ବର୍ଷ ପରେ ଇଣ୍ଟରନେଟ୍ କମ୍ପାନୀ ପ୍ରସ୍ତୁତ କଲେ ଏବଂ ଲିମା ଟାଉନସିପ୍ ଓ ସାଇକୋ ଟାଉନସିପର କିଛି ଅଞ୍ଚଳରେ ନିଜ ସେବା ଫାଇବର-ଟୁ-ଦ-ହୋମ୍ ବ୍ରଡବ୍ୟାଣ୍ଡ ପ୍ରଦାନ କରିବା ଆରମ୍ଭ କଲେ । ମୌଚ ଗ୍ରାହକଙ୍କୁ ଯୋଡିବା ଆରମ୍ଭ କଲେ । ସେ ନିଜ ଘରକୁ ପ୍ରାୟ ୫ କିଲୋମିଟର ପର୍ଯ୍ୟନ୍ତ ଏହି ସେବା ପ୍ରଦାନ କରୁଛନ୍ତି ।
ତାଙ୍କର ଏହି ପଦକ୍ଷେପରେ ପ୍ରଭାବିତ ହୋଇ ସରକାର ୨.୬ ମିଲିୟନ (ପ୍ରାୟ ୨୧ କୋଟି) ଟଙ୍କାର ସରକାରୀ ଫଣ୍ଡିଂ ପ୍ରଦାନ କରିଛନ୍ତି । କହିରଖୁଛୁ ଏହି ସେବା ୫୫ ଡଲାର ପ୍ରତି ମାସିକ ଖର୍ଚ୍ଚରେ ୧୦୦ ଏମବିପିଏସ୍ ସ୍ପିଡରେ ଅନଲିମିଟେଡ୍ ଡାଟା ପ୍ରଦାନ କରୁଛି । ଏହି ସେବା ପାଇଁ ସେ କେବଳ ଇଣ୍ଟରନେଟ୍ ଚାର୍ଜ ନେଉଛନ୍ତି ଏବଂ ଗ୍ରାହକଙ୍କଠୁ କୌଣସି ଅତିରିକ୍ତ କର ଆଦାୟ କରୁନାହାଁନ୍ତି ।
