ୱାଶିଂଟନ : ଆଫଗାନିସ୍ତାନରେ ତାଲିବାନଙ୍କ କ୍ଷମତା ଦଖଲ ପରେ ଆଫଗାନ ମହିଳା ଓ ବାଳିକାଙ୍କ ପାଇଁ ଚିନ୍ତା ବ୍ୟକ୍ତ କରିଛନ୍ତି ନୋବେଲ ଶାନ୍ତି ପୁରସ୍କାର ବିଜେତା ମଲାଲା ୟୁସୁଫଜାୟୀ। ସେ କହିଛନ୍ତି ଯେ ତାଲିବାନମାନେ କ୍ଷମତାକୁ ଫେରିବା ଦ୍ବାରା ଆଫଗାନ ମହିଳାଙ୍କ ପାଇଁ ବଡ ବିପଦ ଉଭା ହୋଇଛି। ନ୍ୟୁୟର୍କ ଟାଇମ୍ସ ସମ୍ପାଦକୀୟ ପୃଷ୍ଠାରେ ମଲାଲା ଲେଖିଥିବା ଏକ ପ୍ରବନ୍ଧରେ କହିଛନ୍ତି ଯେ ତାଲିବାନମାନେ ମହିଳାଙ୍କ ଶିକ୍ଷା ଓ ନିଯୁକ୍ତିକୁ ବିରୋଧ କରୁଛନ୍ତି। ତେଣୁ ଆଫଗାନ ମହିଳାମାନେ ଆଉ ଶିକ୍ଷା କିମ୍ବା ନିଯୁକ୍ତି ଲାଗି ବାହାରକୁ ବାହାରିପାରିବେ ନାହିଁ। ଯିଏ ଏହାକୁ ଅମାନ୍ୟ କରିବ ସେ କଠୋର ଦଣ୍ଡ ପାଇବ। ତେବେ ଆଫଗାନ ମହିଳାଙ୍କୁ ସେ ସାହାଯ୍ୟ କରିବା ଦିଗରେ ମଲାଲା ନିଜର ଅସହାୟତା ପ୍ରକାଶ କରିଛନ୍ତି। ଏହି ଅବସରରେ ତାଲିବାନମାନେ ତାଙ୍କ ଉପରେ କରିଥିବା ଆକ୍ରମଣକୁ ମନେ ପକାଇଛନ୍ତି। ୨୦୧୨ରେ ମାତ୍ର ୧୫ବର୍ଷ ବୟସରେ ମଲାଲା ନାରୀ ଶିକ୍ଷା ସପକ୍ଷରେ ସ୍ବର ଉତ୍ତୋଳନ କରି ତାଲିବାନଙ୍କ ଆକ୍ରମଣର ଶିକାର ହୋଇଥିଲେ। ତାଲିବାନଙ୍କ ଆକ୍ରମଣରେ ସେ ଗୁରୁତର ଆହତ ହୋଇ ଲଣ୍ଡନରେ ଚିକିତ୍ସିତ ହୋଇଥିଲେ।
Comments are closed.