ଜଗତସିଂହପୁର : ଜଗତସିଂହପୁର ଜିଲ୍ଳା ବିରିଡ଼ି ବ୍ଲକ ଅନ୍ତର୍ଗତ ଗୋପୀନାଥପୁର ଗ୍ରାମର ଆରାଧ୍ୟ ଦେବୀ ମାଆ ଅମ୍ବିକାଙ୍କ ପୀଠରେ ଅଧ୍ୟାତ୍ମିକ ପରିବେଶରେ ବିଶ୍ୱଶାନ୍ତି ମହାଯଜ୍ଞ ଅନୁଷ୍ଠିତ ହୋଇଯାଇଛି । ଗତ ସୋମବାର ଠାରୁ ଆରମ୍ଭ ହୋଇଥିବା ଏହି ମହାଯଜ୍ଞ ବୁଧବାର ଦିନ ପୂର୍ଣ୍ଣାହୁତି ସହିତ ଶେଷ ହୋଇଛି । ଗ୍ରାମବାସୀଙ୍କ ସହଯୋଗ ଓ କିଛି ଉତ୍ସାହୀ ଯୁବକଙ୍କ ନେତୃତ୍ୱ୍ୱରେ ଏହି ଯଜ୍ଞ ଅନୁଷ୍ଠାନ ସମାପ୍ତ ହୋଇଛି । ଆଖପାଖ ଅଞ୍ଚଳର ଅନେକ ଶ୍ରଦ୍ଧାଳୁ ପୂର୍ଣ୍ଣାହୁତି ସମୟରେ ଉପସ୍ଥିତ ରହି ମାଆଙ୍କ ଆଶିଷ ଭିକ୍ଷା କରିଥିଲେ । ଏହି ଅବସରରେ ସମସ୍ତଙ୍କୁ ପ୍ରସାଦ ବିତରଣ କରାଯାଇଥିଲା ।